https://video.appledaily.com.hk/mcp/encode/2017/11/16/3485015/20171117_sub809newAD_clean_w.mp4


新的士不再用房車，改用趟門的細MPV，理論上比較實用。

平日大家坐慣坐熟、俗稱「紅跑」的的士，佔九成都是豐田的Comfort，不過日本那邊已落實會停產，今年亦都出埋成部倫敦的士咁款的後繼車，所以遲下香港都要照跟，齊齊用新車做的士。

早兩日講過有網民影到第一批新車已經到咗，個樣當然比見咗咁耐的舊車新鮮，設備上都有不少進化，例如新車採用了1.5公升混能系統（豐田Comfort為2.0公升），入石油氣推動引擎之餘，部份情況（例如起步、慢車）就只會用電力推動摩打，好處當然是比較環保，廠方公佈的油耗只有19.4km/L。車型由以往的三箱房車變為MPV，一來車廂空間會大咗，二來有單邊趟門上落會比較方便，就算有輪椅或BB車都可以成部上。雖然車價會比舊車貴，有傳會去到三十萬（豐田Comfort賣緊$245,900），油費是否慳過以前亦有待驗證，但作為市民當然不考慮這麼多，有新車當然揀新車啦。


照睇相，香港版引入的是日本販售兩個版本中比較低級別的一款。


照睇相，香港版引入的是日本販售兩個版本中比較低級別的一款。

市面上除咗豐田，都仲有其他新車揀，例如早幾年日產都入咗一批NV200，勝在size夠大，趟門邊有伸縮腳踏，尾箱又有斜台，所以主要是用來做傷健的士，給有需要人士call車。前年Ford都有部Transit Connect，一樣是非房車類的士，同樣是用石油氣引擎，不過馬力最大，有162匹，石油氣缸有90升亦都是市面最大，另外設有6個安全氣袋，有意外都比較安心。

撰文：Dolly Lam

source : https://hk.lifestyle.appledaily.com/lifestyle/car/daily/article/20171117/20216664
+++++++++++++++++++++++++++++++++++++++++++++++++++++++++++++++++
點解咁 dry