你所不知道的歷史
日心說最早由古希臘人提出

講到日心說，好多人自自然然就會聯想起哥白尼。但如果我話日心說其實早響哥白尼之前1800年就已經被提出而且研究過，你又會唔會相信呢？

好喇，時間返到去公元前4世紀既薩摩斯島，一位叫阿里斯塔克斯(Aristarchus，310-230BCE)既希臘學者就首先提出日心模型(Heliocentric model)，認為太陽而非地球係宇宙既中心。阿里斯塔克斯通過幾何計算算出太陽的體積比地球大，從此線索推斷太陽位於宇宙中心，而地球則環繞太陽運行。

薩摩斯島的阿里斯塔克斯雕像

阿里斯塔克斯利用幾何計算推算出太陽同月球的相對大小

阿里斯塔克斯既理論並唔係得佢一個知道，數學鬼才阿基米德響佢既著作《數沙者》入面，就引用左阿里斯塔克斯既研究成果，阿基米德假設宇宙係一個以太陽為中心、直徑10^14斯塔達既球體，從而算出用來填滿宇宙既沙數量係10^63粒(巧合地呢個數字同現代估算宇宙中所有原子既數量相同)。呢點說明左響希臘化時代，阿里斯塔克斯既理論響學術界有一定影響力。

阿基米德

可能你會問，點解希臘人最後選擇左地心模型，而冇選擇日心模型作為宇宙學既標準模型。原因好簡單，就係一個叫做視差(parallax)既問題。即係當地球圍繞太陽轉動既時後，遠方既星星視位置的移動或差異。由於日心說底下遠方既星星會隨住地球既移動產生視差現象(地心說底下由於地球既位置係固定，所以唔會有視差現象既存在)，古代天文學家由於冇辦法觀察到視差，令到日心模型飽受批評同質疑。阿里斯塔克斯就進一步提出現論，認為恆星係距離極遠既其他太陽，用以解釋無法觀察到視差呢個事實，但呢個解釋冇受到廣泛接受。而事實上，恆星視差既現象係1833年先首次被白塞耳從天鵝座61觀察到，比起哥白尼晚了近400年先完全確認日心模型正確。

恆星視差現象