笑位幾多, 劇情就一般般咁啦, 打鬥到好精彩
唔似BVS咁dark咁沉重, 一套普通英雄片咁
但同BVS一樣好似係一套好長既戲比人cut左唔少咁
有D係trailer有既野佢都冇埋
雖然呢種感覺冇BVS咁嚴重

劇情方面唔講太多, 唔想比人屌劇透
作為DC撚有睇開漫畫既都會睇到佢參考左唔少作品
但係角色設定上有D分別, 睇到有少少唔自在
有唔少位都有關前作, 例如超人之死, WW既背景等等
但我自己覺得有D位就算你有睇前作, 你都未必咁留意呢D細節
呢D就等多D人睇左先慢慢討論

同埋有種感覺就係佢急於推人物出黎
我諗冇睇開DC野既都未必咁熟入面D人物(除左三巨頭)
可能你會分到係邊個啦(我諗cyborg都冇乜人識 )
戲入面會有講少少新角色既背景故事, 但都係一幕兩幕左右
我諗冇睇開既人都唔會對D角色有太深印象, 睇既時候又未必投入到
真係寧願佢好似marvel咁, 慢慢推出角色再大集結, 等大家都對D角色有咁上下了解先
不過佢個flow都好順, 唔似suicide squad咁個開頭半粒鐘都係人物介紹, 當然成套戲都好睇好多

結局都係一般英雄片咁, 但都有講英雄係大戰後既成長, 咁都算係幾好睇既
總括而言, 如果你鍾意英雄片既, 又或者只係想搵戲睇笑下爽下, 當然值得一睇
故事雖然參考左唔少漫畫作品, 但其實冇睇過都好, 你都會睇得明佢做乜
唔似BVS咁睇過先會代入到個故事
所以唔洗話刻意補完習先入場, 又或者怕睇唔明
同埋佢打鬥場面同marvel嗰種有D分別, 呢套係真係會有feel到超人類打交會係咩情況咁既感覺