幫仔女慶祝生日，對父母來講從來都係好重要嘅事，亦有好多父母為咗見仔女一面不惜跨越重重難關。不過英國有一對夫婦，為咗來香港同兒子慶祝生日就選擇咗一個別開生面嘅方法，就係只乘搭飛機以外的公共交通工具，一路旅行一路來香港，佢哋搭咗16種唔同嘅火車用咗八星期，從牛津站搭歐洲之星前往歐洲，係柏林同白俄羅斯停留。抵達莫斯科後就登上西伯利亞鐵路用咗三晚時間穿越俄羅斯進入蒙古，再進入北京，沿途去咗唔同城市後就去廈門，再乘坐高速列車到達深圳再嚟香港。

來自牛津郡嘅Phil Whiting 同太太 Emma Whiting ，由英國出發，一路上先後乘坐過12000英里嘅公共汽車，出租車，渡輪，馬匹，纜車等交通工具，當然亦有徒步。係八個星期行程入面，佢地先後去咗柏林，莫斯科，蘇茲達爾，伊爾庫茨克，貝加爾湖，烏蘭巴托，北京，西安，上海，桂林，黃山，陽朔同廈門等地。

呢對夫婦絕對係身體力行證明去旅行唔係年輕人嘅專利，佢哋兩個都已經61歲，但依然好鍾意去唔同嘅地方旅行，今次旅程Phil同Emma用咗一年時間籌備，行程入面佢哋先係跨越西伯利亞鐵路，又去咗東南亞金山角徒步旅行，喺蒙古又入住蒙古包，真係聽到都令人羨慕啊。


Phil同Emma嘅兒子依家係香港教書。

Phil同Emma係西伯利亞鐵路列車上用餐。
https://hktravelnow.yahoo.com/61歲夫婦唔坐飛機-只坐公共交通從英國到香港-032209188.html