最新 Lidl 超級市場嚮樸茨茅夫開幕

今早可能係今年以黎最寒冷嘅一個早上，但係咁亦無阻一批黎買野嘅人晨咁早起身黎到城入面最新開張嘅 Lidl 買野。

超級市場嚮今早8點開門，佔地喺舊Co-op，倫敦路諾安區嘅位置。

Bill Shannon, 住嚮費頓，佢嚮今早五點就嚮門口排頭位等做第一位顧客。

六十六歲嘅阿叔：「我以為會有唔少人都會咁黎排頭位添，

咁我諗住新開張新屎坑嘛，咁就應該第一日黎試下佢。

我諗呢間野應該可以幫呢個地區帶返多少生氣嘅，始終諾安呢個地方係需要一啲新嘅元素，咁先至對成個地區發展有幫助。」

做到第一位顧客嘅 Shannon 先生，最後買左一紥花同埋一支香檳。

與此同時，今次新店嘅開幕創造左 40 個就業職位。

店舖經理 Lee Whyte 話佢希望該店可以帶俾諾安區「多少生機」。

佢話：「我地有優秀嘅團隊同埋黎自不同方面嘅鼎力支持。

呢道嘅團隊絕對係卓越不凡，佢地非常期望可以將平靚正嘅食品帶比本地社區。

Lidl 嘅區域經理 Edward Simpson 就話：「今次最正嘅地方其實係我地將呢間細舖開正嚮諾安區嘅正中心，亦都係樸茨茅夫嘅正中心，為社區服務之餘仲將每日嘅最低價帶俾街坊。

我地仲提供咗40個新嘅職位比本地社區，令我地感覺到對諾安區嘅歸屬感。

呢個真係好好嘅迴嚮，好好嘅開始。」

為處於打吡路交界嘅店舖，嚮舊 Co-op 關閉之後已經騰空左兩年。

而執笠嘅時候，總共亦有 41位嘅員工被炒魷。

樸茨茅夫市市長，Ken Ellcome 議員今日亦為新店嘅開幕剪綵。

佢話喎：「Lidl 依家正在嚮城入面擴張緊業務，而且今次呢度睇落似係一間好高質嘅舖頭。

呢樣野係由我嘅購物體驗話比我知，當有新舖開張嘅時候，人就總會留意下間舖掂唔掂。」

除左呢間新舖，依家樸茨茅夫入面仲有另外兩間 Lidl，分別位處嚮曉斯區挪威路，以及修斯區嘅高史密夫大馬路；另外仲有間一年之前開左嚮樸車士打。

而事實上，兩年前樸茨茅夫市議員 Penny Mordaunt 曾經束請市議會喺舊舖執笠之後做更多嘅野去幫手改善泊車同客流量。

原文：

https://www.portsmouth.co.uk/our-region/portsmouth/watch-portsmouth-s-newest-lidl-store-is-open-for-business-1-8269924