【兄弟姊妹站出來】
見到荷李活女明星個個玩得咁型，崇洋的我，又豈能不追上西方先進國家潮流呢？

我在幼稚園低班時，曾經俾一個女教師摸過塊面，我現在回想，雖年代久遠，我也無辜一度淪為性侵犯性欺凌之低端人口之一。

那個Miss 叫做黃詠儀（好普通的港女名，如有雷同實屬巧合），佢當年未經我同意，運用職業霸權，觸碰兒童的我的身體。

黃詠儀婆婆你而家去咗邊？

感謝Facebook 新世代，只須單方面貼張Selfie，就可以令好多人變成「維恩斯坦」，或者Kevin Spacey。

荷李活處處色魔，香港體育界又咁淫賤，咁學界有冇教獸？宗教界有冇牧屍？

香港影視娛樂圏，唔通又只係一個人人追求戲劇藝術進修的清淨天堂？

（PS: 2015年3月，特首千金梁齊昕在Facebook 貼圖透露曾被老母家暴，有人報警，同年3月21日，警務處處長曾偉雄話：「不能夠網上講乜，警方就去查。」）