fb專頁「唐生大地震」製作海報諷刺香港街頭只容得下大媽亂舞。(互聯網)

【更新：新增現場相片、內容】
近日你若行經銅鑼灣百德新街，細心留意可能會發現路邊鐵欄被人披上一層顏色鮮艷的毛冷，上面更有立體聖誕老人、馴鹿和雪人公仔，向路人預告聖誕臨近，令平平無奇的街頭增添不少節日氣氛。這些奇特的聖誕裝飾其實是出自本地織藝人Bille和Mary之手，令該處頓成期近城中「打卡」熱點。不過，邀請她們創作的Fashion walk昨日（5日）在facebook專頁宣佈因接獲投訴，聖誕欄杆提前本周日（10日）就要拆卸，未能和大家一起歡度聖誕。消息一出隨即惹來網民熱烈討論，有人不滿香港街頭容不下一件藝術作品，Fashion walk更接獲逾萬人留言表態，希望能保留作品。

創作者Bille上月底接受傳媒訪問時透露，近幾年聖誕節都獲Fashion walk邀請在百德新街街頭編織聖誕欄杆，今次就花了一個月時間製作，最近才大功告成。她在訪問中稱毛冷是以人造纖維製造，不怕發霉，亦歡迎市民輕力觸摸，形容是送給港人的聖誕禮物。

當傳出聖誕欄杆要提前清拆後，Bille昨日在其手作店「La Belle Epoque」的fb留稱「因為有一個女人不停投訴，所以政府決定令這個女人開心，要拆咗佢」，呼籲市民致電政府部門熱線「1823 」要求保留至聖誕後，以及到fashion walk fb專頁留言，「以群眾意見戰勝一個無聊的女人。」但Bille其後補充稱投訴人未必是女人。蘋果今午再向二人查詢，她們指由於商場正與政府當局協商裝置問題，希望待事件有結果後再回應。

消息傳出後，大批網民蜂擁到Fashion walk留言要求保留聖誕欄杆，有人直指事件處理不當，「其實Fashion Walk又唔係政府部門，俾啲腰骨企硬淨啲好唔好？下下要成萬人香港人出嚟聯署，只係為咗一啲原本就好好冇問題嘅野！拜託處理得好啲！唔係又變關公㗎啦！」諷刺時弊的facebook專頁「唐生大地震」更製作海報，寸爆香港街頭只容得下大媽高歌亂舞，卻容不下真正的藝術創作，並留言狠批「旺角成千上萬個投訴冇人理，銅鑼灣就因為一個投訴而做嘢，這就是香港政府。」

Fashion Walk所屬的恒隆集團今早回應《蘋果》查詢時證實，聖誕欄杆所處的路段屬於公家地，作品在11月上旬開始展出，但早前收到政府部門通知要求清拆，集團會積極與政府部門溝通，希望作品可得到適當處理。

【網民咁講】
Larry Leung：尖東啲燈飾夠核突啦，投訴拆咗佢。
Vivian Ho：政府可以為咗令我開心而拎走個女人嘛？
Tasha Donna Lai：既然係唔合理的投訴點解要照做呢？我覺得香港愈來愈恐怖，亂投訴的人恐怖，明明不合理的都照做的企業更反智。
Cosmo Cheung：我唔係反政府人士，但係平時有咩重要嘢又唔做，淨系識捉啲賣紙皮阿婆阿伯，依家又搞搞震，算點先？
Kathy Ng：投訴只得小數目，但大家想佢留低，點解唔聽多啲人意見呢？
Pink Angela：聖誕都未到就要拆，香港真的不能接受街頭藝術，在外國一定會保護。
Noel May Yu：投訴既癲就算啦，最癲嘅係政府同佢一齊癲。

https://hk.news.appledaily.com/local/realtime/article/20171206/57546851

幾得意喎，咁都COMPLAIN，真係唔知香港人諗乜