「投訴無門」是否已經被「潛然默化」？香港人是否已經被習慣了？

以前天星小輪加價都會引起軒然大波，加斗零已經群情洶湧，今時今日，群情都好似唔見哂，究竟呀群情去咗邊呢？ 究竟習慣咗「投訴無門」係唔係賤民的養成？

係！

在大陸，大家聽得多，咩「上訪」的結果都係千篇一律的寃上加寃，訪訪吓都冇人訪，造成大陸人樣樣都唔諗，淨係諗住好似「温家寶咁欄」都要欄落黎香港做個香港人，可以見到「投訴無門」就是賤民的養育所。

調番轉，要擺脱大陸化，香港人就要找回投訴權，找回群情，找回又洶又湧的群情。

要找回又洶又湧的群情，梗係由衆怒開始，眾怒的民憤就是力量的泉源。

奈何今時今日眾怒的民憤卻落在小圈子的「自命民主派」。

當你回顧昔日民主黨公民黨與「拉布」割席，劃清界線，扮哂高貴；今日卻大鑼大鼓的「祇此一招」的拉布，你就會睇到分別是「最緊要做主角」的私心私慾，所謂高貴真係臭過屎坑，不由你不憤怒。

如果你能夠再清醒一D，你就會醒覺呢班小圈子「自命民主派」英文叫做「incompetence」, 即是「無能派」，無能扮有能，舢舨充炮艇，這就是衆怒的民憤所在。

大家心裡有數，佢地帶你行嘅係一條死路，祇不過一路行一面派毒品俾你吸毒，俾你上癮，上癮睇佢地做戲咁做嘅政棍 show，令你的歲月被蹉跎而不自覺。

而呢班「自命民主派」有一班人，一班已經/準備移民外國的外國人/準外國人，在吃喝玩樂你的歲月。

要早日反攻共產黨，你就要站在一條成功路，要站在成功路，第一步當然要先離開呢班「自命民主派」所行嘅死路啦。

離開咗條死路之後，要點行呢？

我認為「捨棄失敗，學習成功」就要循昔日成功之路繼續行，即是從昔日天星小輪加價引發幾乎暴動的「投訴有門」開始。

就是認真和積極投訴，由小引大，例如投訴pktvb, 九巴；投訴冇人監察中央屠宰雞鴨鵝，過份信賴食環署的得個信字；又例如投訴香港電台嘻哈度日，要香港電台自負盈虧；又例如投訴大陸移民權由中共單方審批；又例如投訴港鐵火車在繁忙時間不設上水為終點站，令d無無謂謂嘅大陸人阻塞火車空間 ....... 等等，拳拳到肉，務實取回主權，唔好任人擺佈。

https://www.facebook.com/HKRiots/posts/1002044066615710