| 發表文章 | 發起投票 |
聖誕開P爆笑玩意鬥整蠱
又到聖誕，又到聖誕！連放幾日假，冇理由仲掛住打機做低頭族吧？係時候約埋朋友派對狂歡，齊齊笑住癲番晚。開P又點少得Party Games，今次精選了多款桌上遊戲，既考膽量又講求身體協調，低智爆笑兼而有之，其實快樂聖誕就係咁簡單！
[/size=4]
聖誕節梗係約齊好友，玩Party Games狂歡啦！
考膽量鬥運氣
遊戲愈刺激愈容易炒熱氣氛，當中如果加埋運氣成分，隨時驚喜滿Fun，仲可以睇埋邊個係「地獄黑仔王」呢！
雞蛋玩濕身
遊戲叫Egged On Game，顧名思義是打蛋遊戲。雞蛋盒內有10隻假蛋，隨機抽一隻再灌水入內，之後輪流把雞蛋拍在頭上，直至其中一人「中頭獎」為止。跟盒附有輪盤一個，提供跳過、連打兩次等規則，當然假蛋也可灌入豉油甚至雞蛋液等。
好玩度：★★★★（以5★為滿分）
售價：$198（a）
輪盤提供不同規則，最好玩當然是把假蛋打向朋友啦！
嚇破膽傳波
玩法很簡單，吹漲汽球再放入計時器內，這時玩家便可開始傳波，過程中還要抽卡完成任務，例如唱歌、尖叫等，時間一到計時器便會拮爆汽球，嚇大家一跳。遊戲叫「Tictic Balloon」，皆因計時器倒數時會發出「的的」聲，激似計時炸彈。
好玩度：★★★★★
售價：$98（b）
附有不同任務卡，做完先可以傳波，玩時嚇破膽！
忌廉拍拍機
Pie Face「瘋狂忌廉機」之前有不少明星玩，今次升級版Pie Face Sky High向高空發展。先把忌廉噴在假手掌，再轉動轉盤決定力道級別，然後用槌仔敲打下方的藍色跳板，只要力度適中便會觸發手掌機關，將玩家搞到成臉都係忌廉。
好玩度：★★★
售價：$219（a）
藍色跳板旁可調校敲打阻力，紅色要最大力，綠色則輕輕力也能觸發機關。
惡狗進化版
先將狗頭壓下讓牠好好睡覺，再把骨頭放入狗盤中，接着大家輪流抽牌，並按指示夾出相應顏色及數量的骨頭，成功夾取就換下一位。若動作太大按到盤內機關，令惡狗驚醒就為之輸。遊戲特設「猛犬」模式，敏感度提高，定力少啲都會嘈醒佢。
好玩度：★★★★
售價：$208（a）
特設「猛犬」模式，難度提高，惡犬更醒瞓。
練眼界比身手
自問運氣一般但身手敏捷，以下幾款遊戲就啱晒你玩，而且近日氣溫驟降，郁吓身體仲可以作為熱身運動添。
瘋狂垃圾桶
每人手上有不同顏色的垃圾紙，只要追着「瘋狂垃圾桶」，將紙球拋入垃圾桶，入得最多的一位便是贏家。最過癮係桶蓋會隨機打開，並有兩個速度調校，自問眼明手快不妨挑戰。
好玩度：★★★
售價：$128（b）
附有五彩顏色紙，每人揀一隻色鬥快鬥多拋入「瘋狂垃圾桶」內。
扑爆迷你兵
Minions咁受大家歡迎，聖誕見到佢分外開心。這個「扑傻瓜」遊戲可供兩人玩，玩家要鬥快拍打前方紅色掣，令兩個Minions用錘子攻擊對手，當其中一方被打至頭頂連彈弓飛出，遊戲便分勝負，輸嘅一方自然要接受懲罰。
好玩度：★★
售價：$98（a）
兩人鬥快按紅色掣，最先令對方的Minions「爆頭」就算贏。
狐狸捉雞仔
先幫狐狸先生着好條褲，再擲骰子決定投入褲檔的小雞數目。每次放完都要按狐狸頭一下，一段時間後狐狸就會「爆褲」，這個時候各位要鬥快執齊5隻小雞並放在紙牌上。遊戲極考反應和專注度，手慢肯定會「執輸」。
好玩度：★★★
售價：$238（a）
鬥快執齊5隻小雞放到紙牌上，好易玩到手騰腳震。
遊戲特設計分牌，熄燈前敲中正確鴕鳥頭便可得分。<br>售價：$228（a）
鴕鳥扑傻瓜
相信很多人都玩過打鱷魚或地鼠的扑傻瓜機，這款桌上遊戲的玩法相若，只是被扑的換成鴕鳥。遊戲開始後鴕鳥頭會亮起藍燈或紅燈，熄燈前用錘子敲中正確燈號的鴕鳥就得一分，敲錯則送一分給對手。特設4人模式，可組隊分出高下。
戴上吊臂後個樣都幾似神奇女俠，影相放上網保證呃到Like！<br>售價：$88（b）
好玩度：★★
扭頸層層疊
層層疊大家玩得多，這個改良版遊戲以頭代手。玩家先要在額頭戴上道具吊臂，然後輪流用前方倒鈎鈎起圓形磚塊，逐層疊高直至倒塌為止。由於底座本身已經斜斜哋，用頭放磚更難打穩根基，「硬頸」人士好易冧樓收場！
好玩度：★★★★★
撰文：陳志滔
攝影：蔡浩文
模特兒︰Chelsie Chan、Nicole Chui
查詢電話：（a）2618 2488、（b）3153 5151
source : http://orientaldaily.on.cc//cnt/lifestyle/20171220/00321_001.html
+++++++++++++++++++++++++++++++++++++++++++++++++++++++++++++++++
重有人玩
0
0本貼文共有 0 個回覆
此貼文已鎖，將不接受回覆
| 發表文章 | 發起投票 |