我就想講, SideM真係做得好嘅
老老實實, 角色係男性, 無論點睇都唔會同睇Anim@s睇得一樣咁投入感情
加上角色眾多, 每個角色可以分配到去描寫嘅時間就相對少(呢點同Anim@s同CG一樣)
不過可以肯定咁講, SideM吸收咗Anim@s同CG兩套動畫嘅經驗, 已經做得好好
唔止單描寫到THE IDOLM@STER嘅世界觀, 有IM@S獨有嘅氣氛, 又完全顧慮到男性同女性雙方嘅觀眾
如果有睇過Anim@s同劇場版, Jupiter嘅story係好值得一睇
而其他角色, 學生以外個個都有前職業, 有自己嘅故事, SideM描寫佢哋點樣由前職連接到IDOL嘅目標, 係有幾豐富嘅內容

冇興趣, 唔睇, 其實冇乜所謂
但係冇興趣又踩一腳落黎, 咁就真係踐踏緊套作品同觀眾

膠登處於網絡邊緣, 又冇upgrade又冇宣傳, 本身已經有出冇入, 走嘅人往往都係拎個心出黎嘅人
而尚算比較活躍嘅動漫臺唯一持續有人參與嘅投票活動
都唔係算多人, 個基數係好少, 每個人都可以大幅左右總分, 只要少數人唔自律就可以令成個系統都無意義, 呢樣又係同膠登本身一樣
連喺度少有嘅entertainment, 都係唔願去珍惜嘅話, 咁真係冇咁好氣

情況就好似香港咁
由主權治權開始, 經貿到基建, 接著去到議會、傳媒、教育相繼淪陷, 連最後嘅堡壘, 法庭, 都七勞八傷, 無辦法抵擋任何衝擊
香港人就繼續睇TVB繼續淘寶, 而香港本身, 就唔去珍惜
喺香港呢個國度, 就剩返挫敗感同無力感, 望見身邊嘅人繼續對香港事不關己, 認真洩氣

如果連喺個動漫臺都要感受同一樣嘅無力感, 咁不如算喇

我都好少打呢啲垃圾抒情文, 好似取暖咁, 我都覺得好無謂
但係人都少到取唔到暖, 整返一篇咁嘅文都冇所謂啦