https://video.appledaily.com.hk/mcp/encode/2018/02/08/3544879/20180209_sub342newAD_clean_w.mp4


喬大說自己不愛在家中寫作，「去cafe多，因為喺屋企會好容易懶。」亦不會寫得太夜，「除咗截稿前幾日。」他試過截稿前寫到朝早五點。

剛過去的2月6日，書迷稱為喬大的小說作家喬靖夫在facebook說：「四十九歲生日。出版大結局。去旅行。好開心。」自2008年開始，喬大帶我們進入一個不一樣的武俠世界：武當派要稱霸武林與各派為敵，被滅門的主角踏上復仇之路……喬大呢？寫下「全書完」幾個字之後，心情原來是「鬆一口氣」、「重獲自由」，可以去玩了！其實「自由」是因為可以寫新故事呀！

小時候看完金庸，再看古龍，又看黃易，近年則是喬靖夫的《武道狂之詩》。隨着市場潮流，甚麼《那夜凌晨，我坐上了旺角開往大埔的紅VAN》、《東莞的森林》和《男人唔可以窮》等網絡小說爆人氣，但仰慕武俠精神的熱血小說迷如我，只有《武道狂之詩》提醒自己何謂俠義、正義。近年香港武俠小說作品，好像就靠喬大一支筆撐着，但武俠小說迷不用擔心，喬大說：「下一本作品，都會係武俠小說。」大家可安心期待。

這個訪問不劇透，最後一期小說自己慢慢看。記者先問喬大，下一本作品何時推出？「未寫下一本長篇作品之前，我仲會寫吓其他嘢先。首要做嘅就係修訂之前《殺禪》等舊作，?個工作都拖咗好耐喇。之後會寫短篇，題材是籃球，希望今年書展出到。之前都幫一個運動品牌寫過，寫出效果自己都好滿意。」喬大說之前寫的是2013年至2014年替Nike寫的高比拜恩籃球短篇小說系列。

看來要一段時間才能回到喬靖夫的武俠世界。「?兩三年我都已經諗定下一個長篇，累積緊一啲諗法或者橋段，希望喺今年下半年就寫下一個長篇。詳細劇情唔可以透露住，不過一定會有武俠嘅元素，動作場面比較多一啲，故事背景會有幻想成份。」


作者最愛的兩個封面是《武道狂之詩》的姚蓮舟和燕橫的封面，都是由畫家門小雷繪畫。


小說作家喬靖夫自2008年開始寫小說《武道狂之詩》。


他寫小說會用鋼筆寫稿，用毛筆起題。

最滿意四角關係橋段
《武道狂之詩》初出時記者曾訪問過喬大，問到最投入自身的角色，當時他說：「荊裂會係我最想成為嘅一種男人。遇到乜困難乜逆境都可以笑住勇敢去面對。」
他又說：「其實開始寫?個長篇作品前，我預計係十幾期完，但?家寫多咗接近四分一，有好多劇情係順住角色成長而加入，例如錫曉巖?個角色，開頭只係一個厲害啲嘅武當高手，但之後加入霍瑤花?個角色，兩個有啲互動，有啲愛情橋段，我就越寫越鍾意。」

所以談到作者最滿意的劇情也有他們份，「我覺得寫荊裂、島津虎玲蘭、錫曉巖、霍瑤花?個四角關係嘅段落幾好。如果讀者翻睇《武道狂之詩》，可以留意吓我想表達嘅嘢。」而另一個滿意的劇情就是主角燕橫的情節，「就係燕橫同侯英志一段，由一開始已經鋪排侯英志會成為燕橫嘅一個對比，然後行咗唔同嘅路，而到最後又會喺番埋一齊，影響對方。我覺得?條線都已經鋪得好圓滿。」

說到最長時間，舊作《殺禪》也寫了很久；說到感受最深，每本自己的作品在喬大心中都有其份量，但說到最重要呢？「兩套長篇對我嚟講都好重要，《殺禪》係我第一套諗嘅長篇作品。而《武道狂之詩》，對我人生嘅影響最大，尤其事業方面，佢帶畀我好多意想不到嘅嘢。例如因為?本作品，多咗人關注我、知道我有習武，多咗工作機會，所以令我做到武術節目嘅主持。」說的就是香港電台節目《功夫傳奇》系列。


喬大會記低哪個角色已死，「?套作品都死得人多嘅。」


銅鑼灣誠品書店在即日至本月28日有小型展覽，展出不少珍貴手稿。

寫小說帶來其他工作機會
那寫小說的收入如何呢？「對我嚟講，如果寫小說，收入等於打份工，不過寫作帶嚟一啲唔同嘅工作機會，例如寫專欄，又幾好彩喺好早之前已經將改編小說版權賣咗畀一間公司，所以有啲額外收入。我覺得大勢所趨都會係咁，寫小說會係多媒體流行文化嘅一個箭頭。」

來到最後，記者問喬大寫完「全書完」三個字，有比想像中來得令人激動嗎？「係冇我想像中咁激動。因為最後幾集都已經有詳細的計劃點樣行，近一年都預計緊個結局，有心理準備，所以最後寫『全書完』時嘅心情都比較平靜。反而個心係有一種鬆一口氣嘅感覺，終於完成咗?個作品，可以重獲自由，可以寫其他新嘢喇！」

雖然差天共地，但寫完這篇稿的記者也有點明白，好嘢！放飯！

採訪：陳孝義
攝影：周旭文
編輯：施明慧

source : https://hk.lifestyle.appledaily.com/lifestyle/special/daily/article/20180209/20299392
+++++++++++++++++++++++++++++++++++++++++++++++++++++++++++++++++
乜水來