路祥安 係死於流感定死於謀殺？
2018-02-15 / by martinoei 黃世澤

董建華嘅家臣，有路公公之稱，專幫董建華做仆街嘢嘅 路祥安 ，臨近新年突然話死於流感。雖然依家啲流感病毒都幾堅抽，只不過， 路祥安 喺依家至死於流感，就難免令人懷疑係唔係堅死於流感，因為 路祥安 同何志平案有密切關係，你話呢單嘢係老謀，都應該幾有說服力。
路祥安 同何志平案有密切關係

如果 路祥安 純粹只係何志平喺舊政府嘅同事，都未必會拉上關係，但依家 路祥安 係中華能源基金會副秘書長兼常務副主席，即係何志平搞到一身蟻果個會，搞得唔好，隨時 路祥安 一出埠就俾美國拉埋，屆時乜嘢大鑊都爆出嚟，我都講過，何志平被保釋出嚟係十分之唔安全，隨時被人買起然後人間蒸發，依家 路祥安 無喇喇被人話因流感死咗，仲要臨新年趁啲人唔會新年講白事故意做低佢，你話佢係死於流感定死於謀殺，仲要死嘅地方喺香港，大家放心，香港啲警察係唔會查個原因，係連死因庭聆訊都無，一切秘密都隨 路祥安 而去，諗起都夠恐怖，不過，呢個正正係共產黨嘅典型恐怖作風，共產黨諗到單線聯繫呢家嘢都知呢班友心狠手辣。

所以美國一直反對何志平保釋，其實係為何志平好，同樣，何志平老婆胡慧中唔出現喺任何聆訊，都係一個聰明嘅安排，因為佢老婆都知唔少嘢，隨時唔係拉埋就係殺埋，咁就無乜意思，何志平都係一個老古惑，唔似 路祥安 ，一生幫老董做盡污糟嘢，但只識執行而無獨立思考，所以佢咁死都係好合符佢身份嘅下場，如果要拍Der Hong Kong Krimi， 路祥安 究竟係點樣去，一定係一個十分之好嘅題材，而且情節可以十分之juicy。

好多香港人為咗榮華富貴，做咗浮士德出賣靈魂俾中共呢個魔鬼，成日都以為「國家」會照佢，由 路祥安 之死，大家可以睇到，幫中共做嘢可能享盡榮華富貴後，唔係好似何志平咁入獄就係橫屍街頭，依家亂港四人幫中，何志平坐監， 路祥安 神秘死亡，依家睇董建華同梁振英嘅下場，仲有李國章同梁愛詩，你估香港人講嘅小心收尾果幾年，純粹係一個詛咒咁簡單，呢個其實係睇通江湖險惡之後積累而嚟嘅人生智慧嚟，有權有勢咁又點。
https://martinoei.com/article/17409/路祥安-係死於流感定死於謀殺？