表弟= me=

為閱讀流暢 修飾左某啲句子

:XXX好叻呀 佢中英數都98分 常識100分

:咁唔係成績叻就勁架嘛 你游水咁叻 咪勁過XXX囉

:係呀我全班游水第一 不過如果我考試全級第一 我媽咪會比好多好多錢我架 會比一億蚊我
(對過小朋友就知佢地仲細 冇乜呢啲數字觀念 都係鳩吹 講自己知最大既單位出黎)

:係呀?哈哈你知唔知一億係幾多架

:個 十 百 千 萬 億 囉

:個 十 百 千 萬 十萬 百萬 千萬 億呀
:哇 原來一億咁多架
:咁有冇大過億架

:而家常用單位通常最大就係兆


(教佢數到兆)

:如果我考試全級第一 我媽咪會每個月比一兆蚊我架

:你要咁多錢做咩呀

:咁我就可以買好多好多野
買間屋 好大好大

:(唔忍心同佢講 佢係香港好難上樓) 哈哈係咩 ...
: 咁你第日想做咩呀?

:我想做飛機師 呀唔係 我想做科學家
我想研究野呀 或者 我兩個都一齊做

:點解你想做飛機師呀?

:因為飛機師可以搵到好多錢囉

:咁你點解想做科學家呀

:因為我研究野可以搵到好多錢囉

:咁你想研究啲咩呀

:研究啲搵好多錢既野囉

:(仲唔係研究偽鈔 ?)
:好啦 咁你要聽爸爸媽咪話
大個先會搵到好多錢

:嗯


之前我轉話題講吓打機啲野
但係愈諗就愈心酸
得七歲咁細個
就乜都講錢
聽完之後就係好心酸