https://hk.lifestyle.appledaily.com/lifestyle/wellbeing/daily/article/20180226/20315145

【新春行大運】行山達人帶路行昂平　露營記得帶呢啲

農曆新年話咁快又嚟到尾聲，家家戶戶去拜年，年糕蘿蔔糕食到個個肥肥白白，又係時候約埋屋企人朋友行山繼續行個大運兼露營！今次由擁有超過10年行山經驗嘅行山達人Sam帶大家行馬鞍山郊遊徑到昂平草原，全程只需三公里，啱晒一家大細行。

達人教路除咗喺馬鞍山郊野公園作為起點，仲可以由馬鞍山耀安邨搭村巴NR84到總站落車，再步行約50分鐘，但大家要留意村巴班次比較疏。整條郊遊徑初段以平路為主，沿路仲可以去埋鞍山探索館。進入密林，就開始多石級同斜路，途中會經過小山澗，如果鞋底無防跣嘅朋友就要特別小心啲。


露營新手可選擇用吹氣營，會比由兩支骨架撐起的營更易用。

冬天露營最好帶吹氣床墊隔地氣，再加羽絨睡袋，已足以在晚間保暖。
上到昂平草原風景雅緻開揚，天氣好嘅時候仲可以飽覽整個西貢市同內海，好多人會為咗個靚景而特登上嚟玩滑翔傘同野餐。而昂平營地基本設備齊全，有旱廁同燒烤爐，如果大家想趁新春去露營，就要帶齊睡袋同地墊等裝備，就唔怕凍親，可以舒舒服服享受露營之樂。

啱晒新手夠方便