我不想變做耶膠 我不想變做耶膠
我點解要做耶膠 我點解要做耶膠

Verse 1
以下一則係我個人既真情剖白
或者呢首歌唔合乎耶歌既風格
信主呢十幾年經歷過無數掙扎
係呢度分享過程得到既啟發

自覺曾經係個離地萬丈既信徒
每日既生活就係唱詩靈修祈禱
漸漸不問世事好似生活係個荒島
聖經有句叫我們在這裡真係幾好

生活追求既係咪長期自我感覺良好
福音係咪搞下活動派下禮物就會傳到
真理得把口講係咪最理想既傳道
外表外在既行為只係包裝用既封套

信仰係D乜
係咪強調自己係咁獨特
信仰係D乜
係咪坐係度等世界末日
信仰係D乜
咪忘記我係罪人事實
信仰係D乜
或者你感到迷失


Verse 2
基督徒既頭上其實無神聖既光環
就算你平日既笑容笑得幾咁燦爛
如果將自己既信仰用行為推翻
果D好聽既説話你全部都可以慳番

四面牆內聚集內聚既份子既一班
有無容納社區街坊既時間同埋空間
其他人既需要有冇留神多幾眼
有冇好好運用上帝俾我地豐富既資產

生活既處境發生好多唔公平唔公義既事
貧窮人被剝削被壓迫被歧視無日無之
如果我地仲視而不見聽而不聞故作無知
咁我地既信仰係世上究竟仲有咩意思

意思意思... 人生在世究竟有乜意義
意義意義... 求主教我變得更加無私
無私無私... 我不願意以福音為恥
意旨意旨... 求主話俾地我知


Verse3
耶膠唔係一個咁有殺傷力既稱呼
點及言行不一自以為是既人可惡
如果有一日我將信仰既名號沾污
祈求主寬恕我改正我 求主看顧

上帝睇重既唔係身份資產同財富
更加唔係工作壓力有冇影響皮膚
亦唔係世上各式各樣既能力評估
跟從佢既代價你願唔願意付

從來無愛人如己
點解你日日夜夜分分秒秒只顧你自己
你介意放低自己
拒絕行出一步兩步三步認識你既左鄰右里

You don't have to judge
別站在道德高地 論斷別人
You just have to love
別忘掉你我本個罪人

https://www.youtube.com/watch?v=oOJhz8hX9Mc