有留意開迪士尼相關玩具的粉絲，或者都聽過千值練的POLYGO系列，其有趣點在於把迪士尼的經典角色，重新以獨特新穎的點線面方式重現，利用稜角和平面，造出跟平常不一樣的設計，雖只是膠製玩具，卻多出一份一般膠玩具沒有的藝術和高級感覺。而這個頗受歡迎的系列，就即將會有全新的mini版推出，縮小至只有原版的三份一高，相當小巧可愛，更易收藏，最適合出名住窩居蚊型樓的香港人，亦方便屋企有「海關」的玩家偷運入境。


Mini版POLYGO，造型跟足原版，但就縮小至只有原版的三份一高，相當小巧可愛，更易收藏，最適合出名住窩居蚊型樓的香港人。


雖然size只有如扭蛋玩具般的大小，但造功質感卻出奇地好，稜角和反光平面都得大程度地都能在在mini版上保留。


每一款都有可動位，能擺出不同動作，唔會齋擺一個樣咁悶。

記者早前率先玩過實物，發現雖然size縮到有如扭蛋玩具般的大小，但造功質感卻出奇地好。除了膠夠硬淨外，POLYGO最重要的稜角和反光平面，都在mini版上都保留得到，繼續表現出比一般膠玩具高的造型美感，另外每一款都有可動位，能擺出不同動作，唔會齋擺一個樣咁悶。6款迪士尼系列中，雖然個人來講最愛大眼仔米高華素基，但如果講造型和形態，Mickey和Minnie就冇得輸。


講造型和形態，Mickey和Minnie就冇得輸。


要留意的是今次這款POLYGO迷你版係會以盒蛋形式售賣，即係要要抽獎，未必中到想要果隻。

發售方面，今次千值練會跟朗豪坊合作，在商場內開設「迪士尼POLYGO期間限定店」率先發售新品，不過要留意的是今次這款POLYGO迷你版係會以盒蛋形式售賣（每隻$70），逐隻買的話就要抽獎，未必中到想要果隻，想必中的話就唯有一set咁買（一套$400），雖然就話平$20，但有有啲屈機囉。


「習大」維尼當然要登場。


Pat pat位的爆線位都有保留，相當細緻兼具玩味。

迪士尼POLYGO期間限定店：3月29日至4月29日，朗豪坊4樓通天廣場。

記者：韓繼聰
攝影：許先煜

source : https://hk.lifestyle.appledaily.com/lifestyle/tech/daily/article/20180321/20338087
+++++++++++++++++++++++++++++++++++++++++++++++++++++++++++++++++
好得意