https://video.appledaily.com.hk/mcp/encode/2018/04/03/3582675/20180404_sub416NEWAD_clean_w.mp4


任職基金經理的Stephen，幾年前成為了慈善跑手，為不同慈善機構籌款。

運動可以強身健體就眾所就知，但有無諗過做運動仲可以幫到好多人呢？任職基金經理、主要做資產管理工作，又一向好熱愛跑步同馬拉松嘅鮑靝鋒（Stephen），十年前開始玩毅行者，感覺有得參加比賽，又可做慈善好有意義。2014年，機緣巧合下，佢參加咗倫敦馬拉松，開始幫奧比斯籌款，但其實佢自己一向都有支持開奧比斯，至今已經超過十年，所以佢覺得呢次籌款好有動力同意義，亦正式開始了慈善跑手生涯。除咗奧比斯，佢仲有幫無國界醫生、紅十字會、香港少年領袖團同樂施會籌款，舊年更幫無國界醫生籌得共八千英鎊善款。


Stephen每年會去外國比賽兩次籌款，格言是「盡其當然順其自然」。

當問到想成為慈善跑手有乜條件，Stephen認為一定要有熱心公益的初心同恆心，佢就只係單純想為公益出點力，加上跑步亦係個人興趣，所以想盡力去做好呢件事。平時佢經常都會訓練體能，保持最佳狀態參賽，每日返工前或放工後都會訓練，星期六日都會跑二至三十公里。另外，佢又會不辭勞苦去搵善長人翁，同埋做宣傳推廣等等，事事都係親力親為，佢又會定期同唔同嘅慈善機構合作，提高大眾嘅慈善意識，等大家知道善款可以幫助到好多人，例如一次比賽籌得六千幾英鎊，已經可以幫助到750人接受白內障手術。當提到最難忘嘅比賽時，佢就提到一次喺紐西蘭Tarawera Ultra Marathon肚瀉咗足足二十次，100公里嘅比賽最終以18小時完成，成為最後一位完成比賽嘅參加者，不過就算過程好艱難，佢都無諗過放棄，因為有一種使命感令佢堅持跑落去。

採訪：Wing@有種運動
攝影：Asia and Chris@有種運動
剪片：Asia@有種運動

source : https://hk.lifestyle.appledaily.com/lifestyle/special/daily/article/20180404/20351377
+++++++++++++++++++++++++++++++++++++++++++++++++++++++++++++++++
咁有心