| 發表文章 | 發起投票 |
「（偽）小學雞」（真·宇宙學）問題：點解夜晚嗰天係黑色嘅？
（credit: Calvin and Hobbes comic）[/size=2][/b]
讀小學甚至幼稚園時，初次接觸天文或望向夜空時，相信都會有呢個疑問：「點解有夜晚？點解天空夜晚係黑色嘅？」唔知大家而家（長大後）知唔知呢個問題嘅答案係乜呢？
吓？玩嘢呀？
夜晚出現咪地區因為地球自轉而轉咗去背面，太陽照射唔到嘅位置囉！咁都要問？呢個唔係俾小學雞嘅問題咩？小弟幾時變咗幼稚園/小學老師，教大家係人都知嘅嘢？
冷靜啲，小弟既然咁問得，呢個問題當然唔係平常人所諗得咁簡單啦！即使係「創作力量同幻想會嚇你一跳」嘅地平論支持者佢哋嘅解釋都淨係圍繞著太陽，而話同太陽有關只係答啱一部分，要真正解答呢個問題其實要用到宇宙學 
[blue]奧伯斯悖論[/blue][/size=5]
要明「點解會天黑?」呢個問題點解會比想像中複雜同涉及宇宙學，我哋可以從一啲假設出發。試想像我哋身處喺一個穩恆狀態下而且無限大無界邊，恆久存在嘅宇宙，入面嘅恆星平均分佈喺每個角落。呢個亦係直至上世紀初大部分人同科學家一路所相信嘅宇宙模型，因為始終無人用肉眼睇到啲星系遠離?我哋呢啲宇宙膨脹現象。之但係如果真係咁嘅話，「夜晚」其實唔應該會天黑，因為無論隔幾遠都好，每粒恆星發出嘅光都應該有足夠時間去到地球照光個天
點解？你試想像我哋將宇宙細分成一個個直徑唔同，厚度一樣嘅同心圓球殻。如果我哋嘅宇宙恆星分佈真係均衡嘅話，假設喺直徑為n嘅球殻範圍內有N咁多恆星，咁這層球殻對外直徑兩倍長，為2n嘅一層因爲體積大4倍就會有約4倍更多嘅恆星喺裡面。不過因為2n嗰一層比n嗰層遠咗兩倍，所以嗰層入面恆星嘅光嘅強度喺地球睇會弱4倍。所以加埋一齊直徑為n同2n嘅兩層入面恆星整體總和嘅光度其實係一模一樣，完全冇分別，見上圖。
17
0本貼文共有 0 個回覆
此貼文已鎖，將不接受回覆
| 發表文章 | 發起投票 |