話說係中學時期，唔知點解全級既人都識得我，有時候一啲連樣都未見過既人都可以嗌得出我個名，搞到我都唔知點回應，不過呢個唔係故事重點。

當時我個班就跟學號坐，坐我隔離既都見過下面吹過下水，佢又叫得出我個名，咁都得啦算講得埋。如是者相安無事過左半年，有一日我受老師所託就交返本手冊俾佢，我行到佢個位附近嗌佢「阿XXX你本野啊！」既時候，個阿字出到口，後面嗰幾字噏唔出嚟，因為我根本唔知佢個名！

但係太遲啦，我地已經四目交投，佢既眼神帶有一點疑惑同驚訝，我諗佢已經知我諗緊咩，心裡面既千言萬語竟然化不作半句解釋，我地僵持左七八秒左右，然後佢就飛左個筆袋過黎。跟住我就唔記得啦