【遭車撞傷頸萌退意】翁靜晶打假和尚告一段落：唔再挖佛門黑暗嘢
0501 11:30

翁靜晶昨日突然在「佛門警訊」fb專頁，宣佈要「交棒」，邀大家推舉接班人。翁解釋她是「踏上尋找光明之旅」，故「佛門警訊」要交棒賢人。

飽受頸椎移位之苦的翁靜晶，去年在定慧寺訴訟期間，其座駕突遭一輛客貨車全速追撞，意外令她兩節頸椎骨移位，兼神經線突出，被頸椎骨壓著。左手痛楚難當，晚上更無法入睡，惟禪修減少痛楚。此事亦令翁靜晶覺得是時候退下來。

翁靜晶日前為「佛門警訊」拍攝短片，交代近況，她稱：「其實講緊呢件事（指交通意外）都有七個月0架喇，但係當時一路都唔痛，我相信係菩薩喺我要做嘢嗰段時間令我感覺唔到痛。依家就開始……原來有兩截頸骨走咗出嚟，壓住晒啲神經線，其實問題都算嚴重。」

翁靜晶稱因為痛得無法睡，致免疫力下降，更患了感冒，至今未癒。「一路係咁發燒。咁我就會諗，每一次有事發生，都係人生一啲啟發，今次嘅啟法，就係話俾我哋聽，我去挖掘一啲佛門嘅黑暗嘅嘢，已經去到一個點喇。因為你再挖出嚟嘅黑暗，都唔黑得過我已經挖咗出嚟嘅嘢。

「咁依家可能係要我去搵一啲光明嘅時候，係要我去搵番一啲好嘅。因為，有啲乜嘢可以驅散到黑暗呢？如果我再去挖啲黑嘅嘢出嚟，我唔會令到黑變白；但係如果我搵到啲好嘅，或者真實嘅，咁假嘅自然被驅走。所以我知道我剩下來嘅時間，我係要搵真嘅嘢，真正好嘅法師，真正有宗教信仰嘅地方，要搵到真正乜嘢係佛法。」

翁靜晶謂，如今開始想前路如何走，包括去世界各地尋找禪修中心，再向大家介紹。至於定慧寺事件，翁靜晶表示仍會跟進，包括在fb開了一個名為「香港定慧寺龕位苦主關注及協助 Hong Kong Ting Wai Monastery」，聯絡仍未為先人找到龕位的苦主，為數約400個左右。
https://hk.entertainment.appledaily.com/enews/realtime/article/20180501/58139413