唔知大家孭住背囊搭港鐵時，會否把背囊放在地下？又或者有沒有試過搭港鐵遭到背囊攻擊？「港鐵孭背囊」這問題其實不時被討論，但每次都會引起支持及反對雙方的罵戰，最近這話題再度引發網民熱烈討論。

事緣有網民今日（8號）在Facebook群組「香港花生友」上載一張照片，相中見到兩位均孭住背囊的乘客背對着對方，而該網民就直斥兩人的背囊霸晒成條路，呼籲大家要有公德心：「港人特點就是人人有袋出街，男人特別愛背囊，但好多人沒有留意到自己的背囊其實已佔了一個人的身位，如果好似圖中兩個男人咁，條路更加畀佢哋玩晒！希望大家留意公德心！」

有網民指兩位孭住背囊嘅男士冇公德心，霸晒成條路（Facebook群組「香港花生友」圖片）

留言一出後隨即引起熱議，有網民認同發帖者的講法，表示：「最奇怪係佢哋用個袋嚟撞人，點解唔可以入車前放喺心口？」、「好多呢啲人，日日畀人背包攻擊。」不過有更多的網民則批評現在香港人連單單一個背囊都無法包容，直言：「揹背囊都要畀人批評，可憐。」、「你都識叫背囊，唔放喺背後仲叫唔叫背囊？」另外有網民認為這只是自覺性問題，更指若客氣跟對方講句「唔該借借」，相信對方會自覺讓位。
http://www.orangenews.hk/lifestyle/system/2018/05/08/010088742.shtml