打機用外掛就真係天地不容，不過有時有d 野真係唔係每個地方有法律去控制，你見香港連買賣黃牛都無事，更唔好話叫香港政府幫你捉外掛。不過一直注重網路同遊戲業發展嘅韓國就唔同喇，早前佢地警察聯同Blizzard，捉拿左13個疑犯，話佢地違反韓國遊戲產業振興法相關規定，其中包括《Overwatch》外掛開發者同銷售者。

Blizzard 同首爾警察合作，供出13名外掛製作、銷售及使用者，其中一人被判 10 個月有期徒刑，緩刑兩年；另一名犯人就被判審款1000萬韓圓（約7.29萬港幣），其他11人尚未判決。如果第時你身邊有朋友同你打機，用外掛之後佢仲要回你「犯法架？我想架？」，睇黎今次你真係可以同佢講：「兄弟，你真係犯緊法」

http://gank.fanpiece.com/3igame/鬥陣特攻-外掛開發被捕-韓國警察連捉13人-c1319217.html