鹿島鹿角主場迎戰上海上港嘅亞冠盃16強首回合而家就踢緊，不過同時間網絡就出現咗個關於今場比賽嘅「悲劇」，又話或可以話係笑話嘅。

話說國內百度「中超吧」一位網名為「上体之王浩克」嘅網民為咗支持自己心愛嘅上港，決定今場親自飛去日本睇波，佢仲喺討論區上載咗自己行程嘅截圖，仲留言話「誰言上港無死忠？機票已訂，期待亞冠客場揚威！」

上海上港今場能唔能夠「客場揚威」暫時就未知，不過都幾肯定呢位國內球迷應該冇辦法現場睇到呢場波，事關佢竟然以為鹿島鹿角係喺日本西南部嘅鹿兒島，買咗機票過去。係呢度提提大家，鹿島鹿角其實關東茨城縣嘅球會，同鹿兒島距離差好遠。事件仲傳到去日本，搞到班日本網民笑到碌地㖭。所以話，常識真係好重要㗎.....

https://hk.sports.appledaily.com/sports/realtime/article/20180509/58171854