https://video.appledaily.com.hk/mcp/encode/2018/05/12/3609989/20180513_sub239AD_w.mp4


大家上次陪媽媽去街市，是幾「世紀」前的事？

又到一年一度母親節歌頌媽媽們的日子，大家都齊讚偉大，但實際上佢哋勁到日日挑戰「人體極限」又有邊個知？媽媽每天辛苦地搞盡腦汁諗住咩好菜外，仲要身水身汗食材回家！所以我地決定將歌頌轉化成實際行動！記者一於拎埋量重計，衝入「媽媽勝地」，即各區街市，睇睇佢哋手力之偉大。到底一個女人仔，要拎幾重食材同行幾遠路呢？


記者一於拎埋量重計，衝入各區街市，睇睇媽媽們要拎幾重食材同行幾遠路呢？


很多媽媽都拎約十五至二十磅，最重更直迫「二十五磅」。

我哋先問問仔女們，好多都猜媽媽買的食材約重兩或三磅，最多都係十磅左右。但事實是很多媽媽都拎約十五至二十磅，最重更直迫「二十五磅」，媽媽們好多仲要唔係高大，細細粒的，但就日日拎住五到六袋食材，經過約半小時的路程才回到家，夏天更加是行兩步就流晒汗，真係見到都覺得勁。記者進行特擊當日，更加見到數位媽媽就算成八十歲，都照樣辛勞去街市採購，為的就是想仔女放工回來能吃餐好的，還要吃得健康！

快快睇片，你就會知媽媽們的真實「戰況」！今個母親節，你又會如何同媽媽慶祝？不過相信你一句真心的「辛苦晒！」都夠她甜到漏！

記者：張佩君、何嘉茵

source : https://hk.lifestyle.appledaily.com/lifestyle/special/daily/article/20180513/20389104
+++++++++++++++++++++++++++++++++++++++++++++++++++++++++++++++++
買過，就知好慘