瓦努亞圖「菲臘親王信徒」得悉哈利大婚 即場搵電視黎見證「神靈婚姻」？
http://gaus.ee/2018/05/phillip-god/



坦拿島 – 當地居民相信菲臘親王係當地「火山神」嘅仔，最終會返到當地。而英國媒體有記者日前話俾佢地聽，菲臘親王有孫會結婚，隨即當地「菲臘親王信仰」嘅信徒，竟然搵黎電視，觀看直播，而且仲大肆劏豬慶祝。

「我地為親王慶祝，我地有好多隻豬，我地有好多人想慶祝。」有關族長表示。最初佢地都唔知有大婚，但有英國媒體通過當地旅行社傳遞有關消息，佢睇立即搵來電視，係當地時間周六晚開party慶祝。

當地部族相信，菲臘親王係當地火山降生，係當地一個神嘅兒子。為咗世界和平，於是去咗一個強大嘅國家，娶咗當地嘅女皇，即係伊麗莎白二世。而佢地一直相信親王最終會返到當地。

信仰如何產生則無從稽考，只係知道大概係1950-1960年代出現，並係女皇伉儷1974年到訪瓦努阿圖時，信仰被強化，但親王從來無到訪當地。後來親王先知道呢這個信仰，先將自己第一幅照片送往當地，但送相幾乎係事頭婆同王夫俾外國元首或者所有人嘅第一份禮物。

而當地人確認親王係神嘅方法都好離奇古怪，表示族長曾經將部族嘅獵豬棍送俾親王。如果親王確認自己係火山神之子，就拿住棍影相。但同禮品合照係西方人之常情，到底菲臘親王是否知道自己行動對村民有咁嘅意義就不得而知。

而係2007年英國第四台甚至安排真人show，等村民代表同佢地嘅「神之子」會面，而王室會面向來唔會准攝影機在場，所以村民同親王有無清楚交代就不得而知啦。

「菲臘親王信仰」並被坦拿島上唯一的另類信仰，當地仲有「莊芬信仰」，對一切美國嘅事物都會崇拜。信仰來源相信係美軍駐紮當地期間，當地人第一次見識軍艦同軍機，理解不能。佢地甚至將飛機稱之為「大鐵鳥」，然後會製造草版「飛機」來作為偶像崇拜。因此他們會對美國軍服發生感情，產生對呢種新信仰。

呢啲信仰被統稱為「貨櫃信仰 Cargo Cult」，指與世隔絕嘅部族不能理解突然而來嘅先進文明事物，往往將之神化成為信仰。