第一次去亞美尼亞係由香港出發
記得最初時對LE個國家認識就係認識個名
唔記得點解會突然提起興趣
總之係決定左去之後 先至開始搵資料
同媽媽講去旅行 都淨係講去蘇聯就算 因為亞美尼亞應該佢都唔知係咩

去旅行第一件事係買機票
組媽係正式辭職前3個半月 一時衝動就買左機票
由於係辭職去旅行 所以好有型咁只係買左單程機票 香港經多哈飛亞美尼亞
其實航班時間好差 轉機等17個鐘 而且機票好貴 單程要$4814
不過香港飛亞美尼亞 如果唔係多哈轉 就只係得莫斯科 (或者維也納,再貴D)
BNO去俄羅斯又無免簽證 所以都買左機票
唔怕 組媽有的是青春 等轉機等17個鐘唔係人人都做到


上機了 記得當日成班組仔女知我裸辭去歐洲 竟然CALL馬送我機 好開心
不過最尾都係跌左佢地送比我個頸枕
第一次坐QATAR 感覺冇想像中咁好 可能因為逼人LA 同埋始終當時未坐過長途機
戴住眼罩訓下睇下戲 食下野就到多哈


多哈機場唔大唔細 叉電插頭數量算夠 都有專用房比人攤開訓係度等轉機
訓覺房係女性同男性分開 女性房仲好貼心 有磨紗玻璃隔住
不過位置其實唔太夠 我夜晚都係訓長椅 天光之後先入到訓覺房搵位繼續訓
出面就有唔同GE PLAY AREA
其中一個地方係比人上網


等左大半日 終於再上機
LE個時候已經等到好疲倦 都無乜印象了


去到亞美尼亞首都YEREVAN機場
第一下係唔知點入境
因為上網話BNO係落地簽 所以我去左簽證COUNTER 但職員見我手持BNO 就叫我直接過關就得
過關前唱左100蚊美金做亞美尼亞貨幣DRAM 用來搭的士
攞完行李有個POP UP COUNTER賣電話卡 我買左一張 係當地電訊商VIVO
記得價錢唔貴 大約7000 DRAM(15蚊美金)已經有5GB 可以用好耐


YEREVAN機場算新淨 後尾上網睇返資料 係近年先翻新過
非禁區都有士多同找換店
由於太夜 所以又係機場等到聽朝先出發


天光終於搭左的士去市中心共和廣場(REPUBLIC SQUARE)
記得第一下感覺係好震撼
媽AR 我終於到左蘇聯LA
成個廣場四邊都係蘇式建築 我終於到左歐洲(邊皮)LA



有人行下


有對父子影相 偷影佢地 好衰


暫時講到LE度先
只係行程頭12個鐘 仲有16日 再加第二次去亞美尼亞GE行程慢慢分享