細個幻影會時不時係腦度飄出黎，而我自己都覺得好不可思議
例如我記得自己望住個屈臣氏膠袋，膠袋入面條女同我講野，跟住我仲同佢傾左一陣計
仲有次合埋對眼，我見到有兩條女坐係個大廳梳化到跟住側近有個窗口，好似排隊睇緊醫生咁
除此之外，有時做功課見到頭兩題就望到個rule係點玩，然後就諗都唔駛諗答晒全頁既題目
我記得以前係長輩既印象係好活潑精靈，個個見到都讚叻仔，成績好又轉數快，仲成日群埋D女仔一齊玩

但係依個我而家睇返好似係第個人咁
隨住時間過去，我由大概小學高年班開始變到好內向敏感，個腦好似有野壓制住咁發唔到力，情況一年比一年差
中學都算肯努力果種人，但成日都無意間發白日夢同埋好撚眼訓，D老師見到我以為好專心咁聽緊書其實得個樣，而且仲做左全級最撚毒既毒撚 (應該係
直到而家，我經常都feel到個心好煩躁，無力感好重，反應遲鈍又呆滯，唔夠精力去做一樣野，對睡眠時間既要求幾長下
注意力比同齡既人明顯有大差別，假如有人一邊拉住我行街一邊同我講野，我好快就會跌晒walt因為我同時要應付行路同埋理解人講野依兩個task
莫講話乜野出去玩出去social，簡直係地獄
係有時情況會好D，個腦好似爆seed咁將D思想同情感一次過放晒出黎，通常依個時候做野特別有衝勁，而我都好enjoy，可惜只係維持短時間，好快個人又返返去食撚左屎既狀態咁

幾年前同返個有差唔多十年冇見既親戚見面，見完面佢同返我父母講「我都係鍾意以前既XXX多D」
背後點解搞成咁，我自己都唔知點解
到底係管教問題，定係自我墮落，定抑或係有腦病？會唔會甚至係同吸太多屋企人既二三手煙有關？
父母都有察覺到有咁既轉變，同佢地傾下下都感嘆我「愈大愈蠢」，仲話係我自己搞成自己咁
到底我發生左乜事