https://video.appledaily.com.hk/mcp/encode/2018/06/10/3629194/20180611_sub638newnewAD_mp4_clean_w.mp4



【29+1】
女人30，是社交媒體近年的「月經」post，女人到了這個關鍵年齡，總與「剩女」、「中女」等標籤拉上關係。記者今年也步入這重要關口，眼見不少女性同齡朋友不約而同地在臉書打千字文，宣洩這條人生分界線帶來的不安，其實女人30，真的有那麼可怕嗎？

失婚媽：行得快唔一定係好
女人單身，會被標籤為「剩女」，但如果已婚兼已為人母，又是否代表人生勝利組？30歲的Flora，有穩定職業，還育有一名六歲仔仔，但三年前和丈夫性格不合分開，按照現時香港社會的標準，Flora的步伐比一般同齡女子快，「朋友仲講緊工作、去邊玩，我就講緊個仔，同佢放閃，佢哋會覺得我好幸福。」但已離婚的她卻語重心長道：「行得快唔代表一定好，我成個人辦畀你睇。」

30歲，對女人來說是個無形的死線，「好明顯呢一年突然好多同齡朋友結婚，佢哋會話：『30歲仲唔結咩？』我以前都會期待自己到30歲係好安穩，有自己事業，伴侶有共識一齊生活下去，但當然呢家所有嘢都係意料之外。」樣子標致的Flora，經歷過婚姻失敗，對於能否再遇上真命天子，只抱隨緣態度，「個個都想做公主，有個遇到困難時會一齊經歷同解決嘅伴侶，我都唔例外，但我知就算有得揀，人哋都未必會揀我，啲人會諗同我一齊，唔係仲要養埋我個小朋友嘛？」

Flora自言只是個在屋邨長大的普通女仔，沒有宏大理想，只想和相愛的人建立家庭，但如果可以再選擇，她不會早婚，也不會太早生小朋友，「有時都後悔當初冇多花時間了解前夫先結婚生仔，令仔仔冇一個完整家庭，行得快真係唔代表好，最緊要啱自己嘅步伐，快又好，慢又好，覺得舒服咪行囉。」

說得悲觀，但她對將來仍有一絲希望，「香港呢家離婚率都幾高，可能過多七、八年，又有好多人出返呢個market，可能我到時有得揀呢？」

單身女：I don't fxxking care！
30歲，人人求一份穩定職業，曾任職記者的Winnie卻從幾年前開始變身做Slash，社交圈子比一般人闊，性格又開朗，但偏偏已單身四年，仍未遇上一個可以一起成長、一起變老的真命天子。「身邊大部份人唔係拍緊拖，就結咗婚，我成日講，我只能夠等人離婚，因為好男人都畀人佔據晒！」能夠如此自嘲，以為她對30歲一定看得很開，但原來也有過低潮期，「近年社會對30歲有好多負面標籤，我29歲嗰年都好驚，驚自己30歲乜都冇，乜都唔係，好似死期到咁，心情如玩跳樓機，上到最高唔知幾時跌，但跌落嚟後（踏入30歲），尖叫完其實都幾開心吖，生活依然要過。呢家覺得Thirty is a new twenty，會更願意放低所有去嘗試新事物。」

Winnie認為在現今社會，天生是女人已經是原罪，「女人無論幾多歲，冇伴侶都會俾人覺得你有問題，要反省，會覺得你係被揀剩嘅人，點解感情一定係我被人揀？而唔係大家唔合適呢？」不過，直言恨拍拖的她都有疑惑過為何自己仍是單身，「我成日都諗係咪我前世殺左月老呢？有唔開心過，但低潮完都會問番自己，人生好多嘢可以做，都唔一定要結婚生仔或拍拖。」訪問期間，Winnie不時提到自己的名句──I don't fxxking care！她勉勵一眾因為社會負面標籤而受到困擾的姊妹，「世界好大，生活有好多方式同選擇，冇分對錯，最緊要知道自己想要乜。」

記者：黃子配
攝影：鄧鴻欣

source : https://hk.lifestyle.appledaily.com/lifestyle/special/daily/article/20180611/20414916
+++++++++++++++++++++++++++++++++++++++++++++++++++++++++++++++++
事實係 no care