http://video.next.hk/mcp/encode/2018/06/19/3635518/20180620_news_car2_carol_v2_mp4_w.mp4

車行老闆黃毅力（Eric）員工月初在內地駕車期間，被瘋狂內地司機亂CUT線猛撞，由於雙方均沒有安裝行車記錄儀，公安到場時雙方各執一詞，「最初意外發生，司機落車，第一件事就承認責任，唔好意思呀，我唔係特登㗎。但當警察嚟到就反口，就話唔關我事，掉番轉頭話我哋撞佢，話我哋個門撞佢嘅車頭，咁邊有可能？」

黃毅力提醒，如在內地駕駛最好在車頭車尾裝上行車記錄儀，「如果有一個視像鏡頭喺度，結果就可能變成你嘅保命符，逢凶化吉」。他分享朋友在內地遇上「碰瓷黨」的經歷，當時朋友駕車到一小鎮，突然有人駛單車迎頭撞向他朋友車頭，「單車頭轆就攝咗入七人車個轆，然後哎吔一聲撻咗落地下，周圍就突然間有好多路人甲彈出嚟，就話追究責任，話你撞親人，撞死人。」朋友當時臨危不亂，「佢第一時間鎖上車門，跟住就用隻手指指住擋風玻璃個視像鏡頭，跟住佢就用隻手拎起電話，準備打電話之際，周圍所有路人甲，包括撞佢車嗰個所謂受傷者，好精神咁樣全部喺面前即刻消失晒。」

黃毅力又指，內地人駕車模式與港不同，駕駛者未必會守規矩，提醒港人要格外留神，「你基本上係要眼觀四方，即係你嘅左右兩邊倒後鏡，你要睇得清楚，前面都要睇得清楚，你要留意人哋架車嘅動態，究竟佢係咪cut嚟cut去。」他建議港人，盡量不要在繁忙時間或天雨路滑的情況下駕駛，減少發生意外的機會。

撰文：鄭靖而

攝錄：胡智堅

立即按此連結下載APP：http://bit.ly/next28app

來源 source: http://nextplus.nextmedia.com/news/latest/20180620/595670

+++++++++++++++++++++++++++++++++++++++++++++++++++++++++++++++++
就來香港都係