https://video.appledaily.com.hk/mcp/encode/2018/06/21/3637046/20180622_sub773newnewAD_mp4_w.mp4


iOS12其中一項主要功能是Memoji。

在早前的WWDC2018中，Apple發佈了iOS12，其中一項主要功能是Memoji，今日我們便下載了iOS12的beta版，來試試這個Memoji好唔好玩，整得似唔似樣。Memoji用法都幾簡單，只要打開Message內的Animoji功能，就會見到多了一個「+」號，按下即可開始創作新的Memoji，而且暫時看來是沒有上限的。

進入後，有多項不同選擇，如膚色、髮型、面形、眼形等，不過暫時覺得選擇不算太多，特別是鼻子，就只有3個大小選擇，嘴形亦只有6款。反而驚喜的是髮型、鬍鬚、頭飾和眼鏡等，就有頗多選擇，應該都容易搵到心水，甚至做一個真人不會做的特別打扮。


Memoji用法簡單，打開Message內的Animoji功能，按「+」號即可開始創作。


有膚色、髮型、面形、眼形等多項不同選擇，不過暫時選擇不算太多。


鼻子只有3個大小選擇，嘴形只有6款。


髮型、鬍鬚、頭飾和眼鏡有頗多選擇。


同事話平均有8成似真人，你又點睇？


你覺得似唔似？

雖然整體選擇唔算多，但有趣的是，經幾個同事實試後都覺得，唔知點解揀揀吓就會慢慢越整越似，大多數人都覺得Memoji有8成似真人。當然，如果可以用前置鏡頭直接掃描樣子，再在不同地方進行微調，又或者可以就不同位置，如髮型長度，可再作調整，相信會更有趣，唔知iOS正式推出，又或是新iPhone會不會有這功能？另外，Memoji更可用於FaceTime，卡通頭像可即時套用上身，頭像下面會做模擬陰影位，令效果更逼真。除此，亦可額外再加入其他貼圖，實試感覺效果依然能保持順暢。唯一不太明白的是，既然FaceTime都可以玩，何不直接加到相機功能中？


有鬍鬚或五官有多點特徵，會比較容易似樣。


肥通話無四下巴肥仔面形選擇，結果整咗呢個樣。


Memoji適用於FaceTime，卡通頭像可套上身。


在FaceTime使用時，可額外加入其他貼圖。

記者：韓繼聰
攝影：劉永發

source : https://hk.lifestyle.appledaily.com/lifestyle/tech/daily/article/20180622/20427527
+++++++++++++++++++++++++++++++++++++++++++++++++++++++++++++++++
搵架生活態度試吓先