媽走左個幾月
我生命中最愛既人
生命中最愛我既人走左
依家輪到我呀嫲都有乳房硬塊
我幾乎能夠肯定同我媽既病一模一樣
乳癌

我人生最愛既就係屋企人
如果我唔係為左唔令我家姐傷心
我應該死左
死亡好容易
近排有人氦氣自殺
有個靚仔跣親跌落樓死左
我表哥上年車禍死左
我唔知道我依家生存係為d乜野
我淨係諗我死左可以留低d乜野比屋企人
就係錢
每一次搭車我都會諗
下一秒會唔會咁就撞死
每一日生活係不安入面
每一日都諗起我呀媽

一生人當中有d畫面係永遠唔會磨滅

呀媽第一次做手術割左成個波
係病房出面同家姐喊到收唔到聲

做完化療
有一日沖涼一梳大半頭髮甩左出黎

發現呀媽比鬼摵
check下原來cancer復發

再一次做化療
係賣假髮間鋪路剃頭

係車廂中失禁
我緊握住呀媽隻手逃離眾人既目光

最後一日
我捉住呀媽隻手摸下我d鬚根
係佢床邊瞓著左

打開簾
呀媽已經走左
我係床邊喊到收唔到聲

天光
我幫佢最後一次抹身

認屍
冇化妝既屍體又乾又黑又瘦
但我認到佢手上既疤痕
我終於意識到
佢以後都陪唔到我
佢真係死左啦

點解
點解
點解