米線絕對稱得上香港人主要食糧之一，不過「而蛋懶肉炸醬竹笙小辣多米線」多餸多選擇兼多人，落錯單漏單食錯嘢應該係人都試過。近日有米線店「米線陣」創新地推出手機自助點餐服務，記者實試過覺得相當方便，相信亦有助減少落錯單或漏單機會，唔怕再食米線食到成肚氣。值得一讚是服務唔需要專登下載app先可以用，而是用上Web app，只需要掃描單上的QR Code，手機就會自動在瀏覽器開啟點菜選單，只要按指示逐步選自己想食的食物，再按「確認送出訂單」即可，用法相當方便。

實試更發現選項相當精細，米線辣度選擇就當然係基本嘢，就連飲品甜度，甚至走冰走飲管都有得揀，加上介面非常user-friendly，清晰易用，相信唔會難到任何人。落單後，order就已經直接送到電腦系統，幾分鐘就有得食，你亦可以隨時check到自己食咗幾錢，叫咗幾多嘢食，最後畀錢時亦只需要用嗰張有QR Code嘅單就可以，相當方便。不過當然喇，雖則話唔需要下載專用app，但要掃描QR Code其實都要用app（iPhone直接用相機都得），另外手機當然亦必需要上網，無晒data又或者收唔到，麻煩你都係搵番阿姐落單喇。


唔需要專登下載app，只需掃描單上QR Code，手機就會自動在瀏覽器開啟點菜選單。


選單設計簡單清晰，相當易用。


只要按指示逐步選自己想食的食物，再按「確認送出訂單」即可。


選項相當精細，值得一讚。


落單後，order直接送到電腦系統，幾分鐘就有得食。


手機當要上網，無晒data又或者收唔到的話，搵番阿姐落單喇。

記者、攝影：韓繼聰

source : https://hk.lifestyle.appledaily.com/lifestyle/tech/daily/article/20180718/20452734
+++++++++++++++++++++++++++++++++++++++++++++++++++++++++++++++++
Web app ，即係網頁