前日乙讚岐卡馬達馬尼球員、教練小田桐健一，最近因為周街畀錢女性，求人睇佢下體，畀警視廳拉咗。

現年36歲、早有露體前科踎過監嘅小田桐，近日被揭發今年2月喺ＪＲ大塚車站前嘅電梯入面，向3名20至30歲嘅女性，提出猥褻要求，佢向受害人提出「畀5000日圓（約348港元）你，睇睇我下面得唔得」、「5分鐘就OK嘞」，結果梗係畀人報警拉佢啦。

生得好眉好貌嘅小田桐，向警方承認咁做係因為「見到女性嘅反應，會好有快感」喎，認真變態。其實呢個「露鳥男」2011年已經犯過呢類風化罪，當時佢不但一年內十幾次喺公眾地方露體，有次仲用冰插指嚇個18歲後生女，逼對方摸佢JJ。

既然捨得畀錢叫人「欣賞」，倒不如畀多些少去風月場所啦，小田桐情願犯法都周街求人睇雀，好顯然個腦壞咗。日本網民亦話「依家啲連現實同AV都分唔清嘅人愈嚟愈多」，仲有人建議喺小田桐身上裝GPS，等女性知道佢行蹤，方便兜路走喎。

東網體育FB同你追實體壇每個精彩時刻！

http://bit.ly/2ecTF2A

來源 source: http://hk.on.cc

+++++++++++++++++++++++++++++++++++++++++++++++++++++++++++++++++

有病