識得我蘇民峰啲朋友，都知我出去蒲嘅時候，唔鍾意俾人叫我贈兩句，但唔代表我孤寒，只係唔想將工作同娛樂撈埋一齊！我會一連五日講點樣屋企擺比較簡單嘅風水陣，而黃卓玲就借佢間屋出作示範。第一日要講梗係男女都好有興趣桃花陣啦！

今年桃花位喺東北，最簡單就係喺屋企東北位擺音樂盒同一杯水，咁就可以催桃花，桃花亦代表人緣，除咗可以識到異性密友之外，亦可以識到多啲朋友。但記住，音樂盒一定要係上鏈果隻，時不時等佢唱吓歌仔。