LEGO可以發揮創意，多年來都係唔少小朋友甚至大人的最愛玩具，不過你又知唔知原來今年就已經係LEGO磚的60歲生日？LEGO起初係生產木玩具，到60年前就開始生產可以隨意組合的LEGO磚，為了慶祝，香港就特別舉辦了名為「我們的遊樂場」展覽，除了有多個大型展品玩之餘，亦有不少具歷史的LEGO，和達人拼砌的世界大事模型展出，不過，數最矚目主角，當然就係以近13萬塊LEGO顆粒砌成的3米高經典2×4LEGO紅磚。另外，同場更有丹麥直送，來自不同年代的絕版LEGO，LEGO迷絕對要睇！


展覽最矚目主角，當然就係以近13萬塊LEGO顆粒砌成的3米高經典2×4LEGO紅磚。


60年前的2×4LEGO紅磚跟現在的原來也有一點分別。


展覽中以每一個十年的作主題，展出特別的LEGO展品，和以當時大事作題材的模型作品。


一睇就知這作品是以李珊珊首次為香港攞奧運金牌作題材，但你又記唔記得係邊一年？


60大壽喎，又點少得一個大蛋糕？


「極速天地」是要砌出不同車仔，挑戰跳過跳台。


4米高的巨型LEGO滑梯組合屋及氹氹轉，雖然唔係咩刺激遊戲，但勝在有懷舊味，小朋友玩得開心，大人們相信亦能找回不少回憶。


長5米、高2.2米的LEGO雙層巴士，最適合上去影相打卡。


「百變小鴨池」讓人用相同組件拼合出千變萬化的鴨仔。


一系列60週年限定產品，LEGO迷當然想要，不過就要購物滿指定金額先會有。

叫得做「我們的遊樂場」，今次展覽「玩」亦是重要原素，一組4米高的巨型LEGO滑梯組合屋及氹氹轉，雖然唔係咩刺激遊戲，但勝在有懷舊味，小朋友玩得開心，大人們相信亦能找回不少回憶。此外，現場亦有一個「百變小鴨池」和「極速天地」，前者讓人用相同組件拼合出千變萬化的鴨仔，後者更可砌出不同車仔，挑戰跳過跳台。更更更重要的是，今次活動當然唔少得有一系列60週年限定產品，LEGO迷好難走得甩。

記者：韓繼聰

source : https://hk.lifestyle.appledaily.com/lifestyle/family/daily/article/20180723/20457348
+++++++++++++++++++++++++++++++++++++++++++++++++++++++++++++++++
起荃灣廣場，又唔講