亡國大悲劇　印上銀紙
2018年07月26日


■網民發現，渣打銀行100元鈔票（左圖）的粵劇圖案源自亡國悲劇《帝女花》。互聯網

【本報訊】三大銀行設計的新鈔昨日持續引起爭議，有細心網民發現，渣打銀行100元鈔票的粵劇圖案，是源自名劇《帝女花》的造型。由於《帝》駙馬公主雙雙服毒自殺的亡國大悲劇，網民大呼不祥。有份提供意見的八和會館主席汪明荃確認渣打圖案是出自《帝女花》。

3款100元新鈔以粵劇角色作圖案，由於是紅色背景加上古裝人物，不免予人陰司紙的感覺。尤其是渣打銀行設計的100元鈔票，圖案中造型與戲寶《帝女花》完全一致。《帝女花》講述明末崇禎皇帝長女長平公主與駙馬周世顯的愛情悲劇，二人在明朝亡國後完婚，在洞房花燭夜，一同仰毒，雙雙自殺殉國。
銀行在初步完成設計時曾諮詢粵劇界老倌意見，汪明荃（阿姐）接受電話訪問確認：「3間銀行唔同設計，一個係《帝女花》，一個係花旦，一個係才子佳人。」羅家英則說：「鈔票上冇話係邊套劇目，只係一個駙馬一個公主，跟住一生一旦咁，由於自己未睇過，所以唔太清楚。」

■羅家英及汪明荃曾經向銀行提供新鈔意見。 ■羅家英及汪明荃曾經向銀行提供新鈔意見。

羅家英：初稿造型大陸化

對於有網民批評中銀嘅花旦鈔票設計似陰司紙，阿姐反駁：「絕對唔似，我覺得咁講唔係咁好，太負面！佢哋真係搵人影完相照畫，我覺得設計好用心，8年之後都要有進步，香港咁多元化，好難得粵劇可以入到銀紙，而且100蚊係紅色，其實大家鍾意就鍾意，唔鍾意就唔鍾意，言論自由。」

原來粵劇圖案本來用內地人作藍本，羅家英說初稿人物的服裝化妝不像香港，「所以同佢哋講應該搵番香港人。佢哋都肯聽意見。」阿姐亦說：「我記得有一個造型比較大陸化，所以提出用廣東粵劇化妝穿戴，佢哋亦都接納咗，因為我哋係香港銀紙，唔係人民幣！其實佢哋都好用心機，喺演藝學院搵人做演員，由家英哥指導甫士，影咗相後再照住畫。」
■記者戴彩煥、余燕儀

https://hk.news.appledaily.com/local/daily/article/20180726/20460477