http://video.cdn.on.cc/video/201807/UBER_ipad.mp4





2個月前巴甲聯賽發生爆笑一幕，帕拉尼恩斯主場對明尼路嘅聯賽，主隊門將艾達巴山度士居然踢踢下波，拎部手機出嚟碌！呢個咁瘋狂嘅畫面，當然即刻引嚟全球網民熱話，有人寸佢係睇緊股票，亦有人笑佢可能玩緊Candy Crush，總之就係好出奇。

艾達巴山度士做緊乜之謎日前終於揭開，原來呢位28歲門將當時係拍緊廣告！帕拉尼恩斯同UBER一早傾好，搵艾達巴山度士做男主角拍一套宣傳片，呼籲司機喺揸車期間咪用手機。UBER條廣告近日亦都曝光，片段開始即播番艾達巴山度士碌手機片，之後字幕問：「守門員踢波玩手機可以嗎？如果可以救回千萬條性命，可以！」廣告隨即列出巴西每年交通意外同傷亡數字，帶出揸車玩手機好危險嘅訊息。

雖然艾達巴山度士呢個廣告帶出正面訊息，不過巴西體育仲裁法庭始終要揸正嚟做，日前宣判佢違反體育守則第258條，要罰停賽1場，周一凌晨對維多利亞場巴甲聯賽就要服刑，至於帕拉尼恩斯亦被罰款1萬鎊。

來源 source: http://hk.on.cc

+++++++++++++++++++++++++++++++++++++++++++++++++++++++++++++++++

原來係咁，睇題目以為叫 UBER