諷刺緊嘅位都係香港變緊質嘅價值，聽到好心酸，有啲位根本笑唔出。
但偏偏觀眾就覺得呢啲好好笑，放晒重點係無關痛癢嘅地方。
今晚尾場竟然咁多觀眾因為「榴槤好食過禁果」而大叫歡呼，
會因為黃子華抹鼻涕嘅尖叫拍手
就好似日日連登熱門都係邊個女人係雞、估邊個地方有風化案，而冇乜人關注下今日嘅香港變成點

「面斥不雅」曾經出現係香港好多唔同地方，
因為呢四個字係畀文明人睇，因為香港人理應心中有把呎，知道咩叫做底線，咩係應該做。
今日嘅香港即使企出嚟鬧你咁做唔禮貌、有問題，
都可以理直氣壯講一句「吹咩！」「唔係咩呀！」
「人無恥 便無敵」呀！

黃子華呢廿六場talk show屌醒緊香港人呀！！！
十年前佢話唔好講 去做，佢依家就用自己能力範圍可做嘅行動嚟鬧醒26萬香港人呀！

如果香港人真係當今次黃子華講嘅係笑話
香港真係冇得救

黃子華屌醒緊你呀！香港人！
https://lihkg.com/thread/762889