http://hk.racing.nextmedia.com/art_main.php?sec_id=3400631&art_id=17252851&showdate=20180811&tt_cat=17035039


阿 Kit 有 話 兒 ： 場 地 徧 差 易 捉 冷 馬

跑 馬 從 來 都 是 十 幾 匹 馬 互 動 的 遊 戲 ， 陣 上 際 遇 從 來 無 人 可 以 完 全 預 計 ， 這 經 已 是 超 出 「 識 唔 識 計 」 的 課 題 。

馬 迷 、 騎 師 賽 前 做 足 功 課 預 計 陣 上 形 勢 ， 但 你 揀 嗰 匹 馬 跑 落 際 遇 如 何 ， 關 鍵 卻 又 取 決 於 同 場 其 他 對 手 的 最 終 跑 法 ， 落 場 真 跑 形 勢 不 一 定 合 乎 預 期 ， 騎 師 要 臨 場 應 變 。

翻 看 賽 事 重 播 我 們 會 發 現 ， 很 多 時 候 陣 上 千 鈞 一 髮 的 決 定 都 不 能 保 證 是 絕 對 正 確 ， 因 此 在 已 知 結 果 下 睇 片 ， 的 確 可 以 見 到 好 多 嘢 ， 繼 而 推 算 各 駒 下 仗 的 機 會 ， 增 加 命 中 率 。

以 往 我 做 電 視 台 時 常 說 ， 如 果 每 個 賽 日 之 後 ， 都 有 一 個 節 目 分 析 當 日 的 賽 事 片 段 ， 重 點 提 回 每 場 有 咩 馬 可 以 跟 進 ， 其 實 係 可 以 幫 到 好 多 時 間 唔 夠 嘅 馬 迷 ， 可 惜 我 想 像 中 的 形 式 與 現 存 的 賽 後 節 目 仍 有 點 出 入 。

話 說 回 來 ， 今 時 今 日 香 港 賽 事 和 馬 匹 水 準 都 不 斷 進 步 ， 而 背 後 還 有 一 班 評 磅 員 ， 他 們 正 竭 力 拉 緊 每 場 賽 事 馬 匹 的 能 力 距 離 ， 評 磅 員 越 叻 ， 代 表 著 香 港 賽 事 越 緊 湊 。 還 未 計 步 速 賺 蝕 、 場 地 偏 差 等 ， 今 天 揀 馬 單 睇 狀 態 靚 唔 靚 實 在 係 唔 足 夠 ， 尤 其 季 中 大 家 都 已 跑 起 狀 態 ， 勝 負 更 講 求 際 遇 形 勢 。

有 些 惡 劣 形 勢 是 賽 前 可 以 預 計 ， 觀 乎 一 季 總 有 些 場 合 會 有 嚴 重 場 地 徧 差 ， 例 如 全 晚 清 一 式 利 放 頭 亦 屢 見 不 鮮 ， 也 許 這 就 是 馬 迷 贏 錢 的 最 佳 時 機 ， 上 季 幾 匹 冷 門 「 自 由 旺 」 、 「 赤 火 神 龍 」 等 ， 都 係 用 咁 嘅 方 法 捉 到 ， 算 是 在 困 難 中 給 我 們 的 一 點 甜 品 吧 。

法 國 之 行 因 家 中 急 事 而 要 匆 匆 結 束 ， 以 馬 迷 的 角 度 回 顧 這 段 時 期 的 法 國 賽 事 ， 一 如 英 、 澳 等 地 ， 頗 多 低 水 準 的 比 賽 都 相 對 易 中 。

事 實 上 很 多 國 家 一 星 期 數 天 都 有 幾 個 馬 場 同 時 間 在 跑 馬 ， 好 難 要 求 所 有 賽 事 都 有 水 準 ， 以 至 行 圈 無 幾 多 匹 馬 外 觀 、 身 型 、 毛 色 靚 ， 一 大 堆 兩 歲 馬 ， 情 緒 及 格 的 更 少 之 又 少 ， 賽 事 表 面 條 件 就 咁 睇 已 經 相 當 參 差 ， 即 使 賠 率 乏 味 ， 但 簡 單 贏 餐 下 午 茶 也 不 錯 呢 。