http://hk.apple.nextmedia.com/entertainment/art/20131011/18459391

《星夢傳奇》幫咗唔少無綫四五線藝員上位，人紅搵錢就易，好多商場騷可以接，但呢班「星夢幫」就唔係咁喇，皆因有報道話早前無綫非戲劇組總監余詠珊下令一班「星夢幫」嘅藝人喺比賽期間唔可以接TVB以外嘅工作，話係想佢哋專心比賽咁話。

藝員部阿頭樂易玲梗係唔順氣啦，不過余詠珊有總經理李寶安撐腰，完全冇晒符，惟有谷住道氣。其實余詠珊舊年返無綫後就動作多多，同樂易玲已經有牙齒印，好似佢回歸頭炮節目《玩轉三周1/2》，要請紅嘅藝員入去玩，好似陳豪同胡杏兒等等，玩殘為紅星度期嘅藝員部，即係樂易玲個部門。

依家咁樣畀余詠珊搞一搞，「星夢幫」一班藝人，好似鄭俊弘、羅鈞滿同姚兵都因為要「專心比賽」，所以少咗好多搵錢機會。但公司出到聲，佢哋都冇辦法，最後反而益咗陳明恩呢個冇簽無綫嘅「非親生女」，佢直言近期係入行以嚟最忙嘅時期添。