http://hk.apple.nextmedia.com/enews/realtime/20131011/51802767

近日有網民影到譚玉瑛姐姐搭地鐵嘅相放咗上網，其實譚玉瑛姐姐搭地鐵都冇咩出奇嘅，佢住愉景灣o架嘛，而且佢都成日俾人影到過住好平民嘅生活，不過影到嗰位網民又翻loop返譚玉瑛姐姐傳出因為人工太高，令無綫密謀炒佢嘅新聞，其實呢段新聞好耐o架啦....但網民仍然好「真心」咁討論話:「無線夠膽炒左佢，邊個仲夠膽做兒童節目，有咩人能夠唔唱歌唔拍戲都做到兩仔爺都識」「邊條白痴提議炒譚玉瑛? 個條友應該完全無童年歡樂,所以要令到全香港人都無」....大家真係唔使擔心呀，無綫應該唔夠膽再提話要炒譚玉瑛姐姐o架啦....

要翻loop，不要翻睇譚玉瑛姐姐以往一啲好精彩嘅專訪，好似佢雖然係做兒童節目主持，不過夠膽承認自己唔係特別鐘意細路，兼且好鍾意飲紅酒。仲有譚玉瑛姐姐嘅「無為」思想，喺圈中都冇乜幾多人做到，好似被問到當時傳出TVB要出手炒佢，佢就咁回應:「無得做咪唔做囉，我不知幾想退休。」

細個有男仔追，返學落大雨，個男仔拎晒遮同膠袋喺街邊等佢，咁浪漫，點知譚玉瑛話:「佢唔想整濕啲嘢，叫我用膠袋套住，我突然間覺得佢好麻煩！唉！唔好搞我！我唔想煩，咪講咗句︰『你以後唔使咁做?！』唔鍾意就早啲講，費事人哋籮籮攣。」

而現實中，譚玉瑛圈外初戀男友，亦即係佢中學老師，拍拖拍足33年，亦已經決定不結婚、不生仔，一直享受自己嘅人生。