http://hk.apple.nextmedia.com/enews/realtime/20131012/51805643

14巴港女事件熱爆香港，引嚟唔少人都拍片嚟抽水，而黃夏蕙都畀人邀請咗嚟演14巴港女，今日喺銅鑼灣街頭拍宣傳片、大街大巷到打個男仔。夏蕙BB未開拍已經聲都沙晒，佢仲話咁樣夠晒惡喎!

劇情講，夏蕙BB要問個男仔:「做乜嘢唔搵我拍片呀？」，仲要個男仔跪低，畀佢一邊打一邊質問。
問乜嘢？問個男仔自己靚唔靚、後唔後生；個男仔就要一邊喊一邊答，真係同14巴港女事件差唔多喎。

而問到夏蕙BB現實有冇打過男人，佢好老實咁話：「其實真係冇，我唔捨得打佢哋。」至於拍攝嘅時候會唔會真打，佢就話：「我諗會真打，做嘢認真啲好。」唉!