真係好開心可以再次踏上亞運會最高既頒獎台，今次既金牌比起上一屆既更加難得，上一屆係用一個咩都冇既心態去比賽，所以係冇乜壓力之下發揮到，今屆壓力就大好多，因為可能大家對我衛冕既期望啦，另外體操隊又再一次面臨是否留係精英項目既危機，教練既調動啦，種種既原因令到壓力好大，其實決賽前兩日，我個腦好亂，會係度諗如果我成功左又會點呢？

如果我失敗左又會點呢？

令到我有少少質疑自己既能力，係決賽前兩日我同教練 @sergiy777 傾左兩日計，都有同佢講我擔心既問題，佢就同我講：我係上屆既金牌，所以我只要做好自己本分證明比人哋睇我係冠軍就夠啦，好多謝白指導呢段時間既幫忙，好多謝 @sergiy777 ，雖然佢而家係女子隊教練，但係無論我幾時需要佢，佢都會義不容辭第一時間幫我解決心態上既問題同埋技術上既問題，佢係一個好好既教練，佢可以了解每一個運動員既特質特長用唔同嘅方法，去幫助運動員提高成績，另外想多謝我既屋企人，佢地知道我好大壓力，所以佢地都冇額外比壓力我，係背後默默支持我，好多謝我既隊友，佢地對我既支持都係相當重要，可能大家有唔同既問題都會同大家傾計互相扶持，仲有好多謝一路支持我既朋友，仲有唔可以唔提既記者朋友，如果冇佢地就唔會有咁精采既報道，雖然今次可以衛冕冠軍，嚟緊一定會有更加多既困難同挑戰，我會繼續努力，衷心多謝每一位支持我嘅人





https://www.facebook.com/stoneshek1010/posts/2112067462158145?__tn__=C-R