https://news.mingpao.com/pns/dailynews/web_tc/article/20180901/s00002/1535740463791



圖1之1 - 劉鳴煒（中）出席第三屆「香港青年服務領袖獎」，評選今屆出色嘅 . . . . . . （何宛兒攝）

【明報專訊】青年事務委員會副主席、華人置業主席劉鳴煒噚日出席第三屆「香港青年服務領袖獎」獎勵計劃評選日，做評審揀選優秀嘅制服團體青年領袖。佢教路，得兩分鐘介紹自己嘅話，最有利嘅策略係「keep it simple」，簡潔講出自己嘅特質、故事，?家有人會借助工具或者科技幫手，但要打動人嘅關鍵唔係點表達，而係表達啲咩。

曾提出年輕人「睇少啲戲、去少啲日本」儲錢買樓論嘅劉鳴煒，周三接受港台節目訪問時透露，自己10歲生日父母送咗10萬蚊現金畀佢，佢之後半年一蚊都無使過，只係日日或隔日喺屋企數銀紙，之後就同阿媽開聯名戶口將錢放入銀行。呢段回憶成為熱話，噚日Emily想再了解下呢份生日禮物，但鳴煒就話只會答同個獎勵計劃有關嘅問題。

另一評審民政事務局政治助理黎穎瑜分享，有人批評現今年輕人「一代不如一代」，但佢就唔認同，話自己接觸好多年輕人都有自信、謙虛、願意聆聽同對社會有熱誠。佢笑言，面試時有問年輕人一啲高難度嘅問題，其中一條係點推廣香港，最深印象係有青年領袖話透過「sell香港人有拼勁」來推銷香港。佢又話，唔少年輕人願意返內地睇睇，好多普通話都好流利，呼籲青年擴闊視野、面向世界。