前文：
Tracy：終章
http://hkgalden.com/view/378830

私は、神田はるかです。

Tracy同我分手之後，雖然佢冇block我，但係大家都冇再互相搵對方。亦到好少喺網上面見到對方嘅動態，頂多係一啲風花雪月無聊分享。

但係，今日就突然之間見到有個叫「Haruka Chan」嘅人。但係我印象之中好似從來冇add過一個叫「Haruka」嘅人。

這一個Haruka寫道，她明天就要出發去日本工作，對香港的人和事都顯得不捨得。

撳多幾下，我先發覺呢個Haruka就係Tracy。

唔知幾耐之前開始，她冇再用Tracy呢個名字，改而用咗「陳芷遙」中「遙」字嘅日文拼音。

漸漸地，她適應咗喺日本嘅生活，更喺當地識咗個男朋友。聞說，佢男朋友係土生土長嘅日本人。亦都為佢由橫濱嘅員工宿舍搬去東京同佢同居。

佢哋一齊咗3年，有一日，佢宣佈會同佢結婚。而婚後佢亦都改名隨夫姓，叫做「神田はるか」。佢應該亦都係正式準備入籍日本。

睇係佢結咗婚幾年，佢哋有咗自己嘅小朋友。睇嚟，佢已經正式喺日本落地生根。