https://hk.news.appledaily.com/local/daily/article/20180929/20510715

2018年09月29日

被囚16月　出獄怕自由


2017年3月串謀縱火罪成，楊逸朗（右）被判入獄。


第一眼見到Joe，除了一身更加結實的肌肉外，16個月的牢獄生涯，未有為Joe帶來翻天覆地的變化：靦腆而自信的笑容，緩慢卻肯定的語調，依然乾淨又簡單。他去年被裁定串謀縱火罪成判監兩年，因行為良好扣減8個月刑期後，兩個月前刑滿出獄。

「好似太大啦個環境，好似太自由啦，呢個念頭係好恐怖嘅，係一種好可怕嘅扭曲嚟。」

Joe憶述在監獄內受到「特別待遇」，如服刑第1日已獲高級長官單對單召見，平日搜身要求特別嚴格，閉路電視更有人全程監控，「一啲行為好似喺工場健身咁，其他囚犯其實都有做，佢哋睇到就會叫囚友傳話畀我，話『喂唔好再做啦，因為CCTV睇到啊』，畀我感覺就好似Big brother is watching you」，變相連累整個工場都受人注視，「啲囚友就覺得我好麻煩，即使我想低調呢，都唔可以低調」。

按法例要求，提早獲釋的釋囚要守不多於扣減刑期的監管令，定時報到及受監察，確保不再犯罪。Joe引述其他囚友指，一般監管令約等同扣減刑期一半，他卻要守7個月，「個比例好長，感覺係想攞到盡」，但明白自己「喺人哋手上」只能服從。現時他按要求覓得一份兼職，日間工作，晚上做運動然後休息，生活似逐步回到正軌，惟獨一事未能習慣。

從每日被人規管，到重新決定自己每一步，Joe稱出獄後竟對自由感到害怕，甚至會避開人多的鬧市，「好似太大啦個環境，好似太自由啦，呢個念頭係好恐怖嘅，係一種好可怕嘅扭曲嚟」。一年半時間足以損害自由意志，「一啲長達6年至7年嘅政治犯，到時佢哋感受可能更加深」。

■記者佘錦洪


上一則
上一則
輔警淪為階下囚　 楊逸朗初心未變　 燈蛾甘願續撲火

下一則
下一則
遮打自修室感受動人時刻　 女生棄文學讀社工



內地生看「傷疤」尋真相

陳健民：不會被官司摧毀信念

輔警淪為階下囚　楊逸朗初心未變　燈蛾甘願續撲火

遮打自修室感受動人時刻　女生棄文學讀社工

傘運4周年 筆架山現「反23條」直幡

「未能撼動政權　但已感動人心」有傘有聚