https://video.next.hk/mcp/encode/2018/10/14/3712917/20181013_news_cantonese_orange_v2_w.mp4

喜愛廣東話，需要理由嗎？艾浩家（Ivor Houlker)來自威爾斯，在倫敦大學（Goldsmiths, London）修讀舞台表演碩士期間，遇上香港女子李婉君，二人拍著拖回港，轉眼四年，「我哋想一齊做劇場。佢喺倫敦比較難搵嘢做，但我喺香港搵工容易。係唔公平嘅，但實情就係咁。」

艾浩家說得一口流利廣東話要多謝高登，「我會上高登睇啲奇怪嘅故事，學新詞語。例如葡萄、狗公、女神咁囉。」市井的學習方法始終不夠全面，今年初開始，他在香港大學修讀廣東話課程，「其實我覺得喺街頭學習、比起返學啱我多啲，但我發現自己冇乜進步。去學校嘅好處，係迫我每日都要坐低寫字。」早在十年前，他在倫敦已經學過一點中文和普通話，只因被《道德經》深深吸引，希望可以直接與老子神交。但懂得中文不代表能閱讀古文，「係啦，而家知道。我嗰時唔知，淨係想學。」

來港後轉了頻道，艾浩家現時看見中文字，心中默唸的都是廣東話，「我係一個藝術家，我覺得做劇場就做關於呢個地方的題材。」「我唔係香港人，要了解香港人的諗法，一定要學會呢種語言。」初來步到時，他看見每逢周末街上便佈滿膚色黝黑的亞裔女子，女友說她們是工人姐姐，「我想研究呢個題目。跟住就發現，佢哋嘅情況有啲問題。」報紙上時有外傭被虐的新聞，facebook和討論區佈滿奴隸主，令他反思自己的處境：同樣是外國人，艾浩家不但沒有受到歧視，反而獲得不少好處，「搵嘢做，教英文，因為呢啲工好易搵。佢哋唔介意我冇受過教學訓練，因為我係白人。」幾年來的耳聞目睹，轉化成紀錄劇場《不是女僕》，去年在牛池灣文娛中心上演。

學會廣東話也令他發現了香港人的風土病，「唔知係咪所有英國人都係咁，我習慣咗唔會講咁多關於錢嘅嘢。但香港人好隨便就會問你呢個幾、嗰個幾錢。我會有啲尷尬」」會關心你收入如何的，應該是伯母吧？「一定係啦，哈哈哈。佢直接問我女朋友，唔會問我嘅。」 學會廣東話，也不代表要和外母談心吧。

記者：蔡慧敏

攝影：胡智堅

來源 source: http://nextplus.nextmedia.com

+++++++++++++++++++++++++++++++++++++++++++++++++++++++++++++++++

其實霉鬼