https://hk.news.appledaily.com/local/daily/article/20181019/20525793

2018年10月19日

爆相爆片：躁伯真情演繹
港鐵冧檔之逼到癲


阿伯在港鐵車廂大吵大鬧，由職員帶離車廂。

星期二港鐵出現史上最嚴重嘅四綫延誤故障，個個趕住返工返學，真係等到火滾！王先生嗰朝由調景嶺去油麻地都要超過個半鐘，車廂逼爆，有個講普通話夾雜廣東話嘅阿伯喺九龍塘站好辛苦先逼到上車，去到太子站嗰陣佢發晒脾氣大吵大鬧，好激動咁拍自己心口，向住其他乘客大嗌：「你打吖，你打吖，打大力啲！」

王先生話唔知阿伯逼上車之後係唔係企喺近車門位，列車去到石硤尾站佢要行出月台讓其他乘客落車再逼過上車，所以發脾氣。

從王先生嘅短片見到，當列車停喺太子站打開門嗰陣，阿伯向住其他乘客講啲類似鄉下話粗口，在場好多乘客，都忍唔住叫佢唔好再嘈。有兩個港鐵職員企咗喺車門邊，請阿伯落車，其他乘客亦都叫職員：「趕佢出去啦！」

但係阿伯唔肯，職員亦都用「雙語廣播」，先講廣東話講：「我幫你解決」，轉普通話再講一次：「過來過來，我幫你解決」，?佢落車，但係佢捉住車廂扶手，堅持：「我不過來！」


阿伯情緒激動，警員在月台了解事件。


職員雙語廣播安撫阿伯

乘客已經唔耐煩，叫職員嗌多幾個職員嚟拉佢出去，其間阿伯好激動叫職員報警。擾攘一輪，職員最終強行帶阿伯落車，月台有兩個警察安撫阿伯向佢了解事件。

乘客鬆一口氣， 有乘客鬧阿伯企喺車門唔畀架車閂門唔啱。港鐵發言人話，嗰朝11點半，一列列車停喺觀塘綫太子站2號月台上落客，其間一個男乘客喺列車第一卡內大叫，車站即時安排站員了解，嗰個乘客要求警方協助，當時有警察喺附近當值，職員就通知警察協助處理事件。但警方冇相關紀錄。


爆相爆片
爆相畀$500、爆片送$1,000嘅基本獎賞外，仲會選出每周之星，每星期最高單日總點擊頭5名即刻科水$10,000，而每月15號至翌月14號期間獲得全月最高單日總點擊者，更可以成為每月盟主，額外獎賞$100,000，係$100,000！爆相爆片必須為本報獨家採用，一經刊登立即有獎！
爆相爆片WhatsApp：6383 6568

參加細則
1.爆相爆片必須由參加者拍攝。
2.若本報發現任何造假情況，將取消其參賽資格。
3.壹傳媒集團員工及親屬不可參加。
4.本報會保留採用爆相爆片與否和獎項分配的一切權利，如有任何爭議，以本報決定為準。


上一則
上一則
非常人物：橋底仁醫　引退宣言

下一則
下一則
爆相爆片：裸男闖機舖「我似蠟筆小新」