https://hk.news.appledaily.com/local/daily/article/20181119/20549421

2018年11月19日

曾斥舊戰友鎅票
馮檢基打倒昨日的我


曾受?票之苦的馮檢基不認為自己會攤薄李卓人得票。何家達攝


【本報訊】世事如棋局局新，試問誰會想到昔日被人剃其頭者，今日反過來剃人頭？3年前的區議會選舉，遭舊戰友?票而失去盤踞地的前議員馮檢基，一度獲不少人替其不值，但這次九龍西立會補選，馮執意參選，搖身一變被人視為?票者。馮這次卻振振有詞斥民主派，「為咗個位連民主價值都唔要」，斷言「我以後都唔叫佢哋民主派」。



稱非為當選而參選

時間剛好是3年前的11月，區會換屆選舉臨近，當時身在民協的馮檢基以民主派參選人身份在老巢深水埗麗閣尋求連任。久攻該區多年不下的建制派實行「小花」策略，派工聯會陳穎欣正面硬撼，與此同時，馮的舊戰友前民協黃仲棋突然「復出」參選，令馮腹背受敵，最終分票下敗陣。

3年過去，戰場轉到立會九西補選，馮檢基卻變黃仲棋。馮稱因不滿工黨李卓人成為被DQ的劉小麗Plan B而參選，馮接受《蘋果》查詢時稱，今年1月民主派就補選問題建立初選制度，藉初選挑選勝算最高的人，同時團結不同黨派，質疑民主派既然建立此制度，「點解又可以唔聲、唔討論、唔檢討，突然間將佢搣走咗、抹咗佢算數？」

挑戰「欽點」是馮檢基今次主打的策略，談起這點，他總說得理直氣壯，「記住協商欽點都係一個民主動力裏面嘅協商，而初選制度係所有、全個非建制派」，「協商一定係大聲夾惡、有財有勢、有權力嗰啲人話晒事，其他人等於無得選」，事實上當年馮檢基出戰麗閣也經過民主派協調機制。

記者問及是次參選會否攤薄民主派代表李卓人的得票時，馮即以糾正記者的口吻說：「你呢個諗法本身係封建嘅」，他強調選民有自由意志，就算他不參選，其支持者亦不一定投票給李卓人，所以外界「唔好再迷戀、迷信呢啲講法」。

不妨回到3年前，馮檢基指摘黃仲棋參選根本不為議席，目標「就係想我輸」，更稱黃是「最厲害的夾擊者」。今次馮同樣表明自己非為當選而參選，而是不滿建制派與非建制派「一擔擔」，以反民主的協商、欽點阻礙其他人參選。至於一旦再次敗陣有何去向？馮沒有明言，只稱選舉後才考慮。

■記者呂浩然

上一則
上一則
被抹黑無加入房屋事務委員會　李卓人促「陳屈人」道歉

下一則
下一則
陳凱欣避質詢　再缺席民間論壇



陳凱欣避質詢　再缺席民間論壇
前民協成員撐基：不應用欽點制
泛民集氣　籲投3號
被抹黑無加入房屋事務委員會　李卓人促「陳屈人」道歉