https://hk.news.appledaily.com/local/daily/article/20181119/20549332

2018年11月19日

搞生意儲錢　張秀賢：交低「身後事」


張秀賢年初參與補選民主派初選後淡出政圈。夏家朗攝


在傘運期間任學聯常委的張秀賢和鍾耀華都是本案被告。4年過去，二人褪下學生領袖身份，淡出幕前回到日常。面對即將來臨的審訊，張秀賢說：「冇刻意準備，不過都會交低啲身後事，喺心理上都有做到準備。」

張秀賢曾以中學生身份參與反國教，並擔任學民思潮發言人。雨傘運動那年，張秀賢任中大學生會會長，今年初更參與立法會新界東補選民主派初選，其後逐漸淡出，「最近都係寫嘢同埋做生意為主，?家唔係擺得太多精神喺社運度，都想take care到自己先」。張秀賢稱，最近開展了網購代理生意儲錢，希望為審訊及可能入獄多做一點準備，「之後嘅嘢冇人知，?家盡可能做多啲嘢，交低身後事咁」。

審訊將至，張秀賢自去年3月被政府控告後，這一年多的時間，他反覆做心理準備，迎接最壞結果，「估計都可能要坐監一段時間，?家都好多嘢要諗，好多嘢估計唔到」，例如會否在法庭上自辯，也是考慮之一，「呢單好明顯係政治案件，點都要有人陳述番件事嚟抗辯，到底要唔要自辯呢？我都仲同律師傾緊」。



指無法計劃未來最困擾

對於未來，他未能確定前路該怎樣走，「唔知單官司要搞幾耐，如果今次判得輕，可能律政司會上訴，如果判得重，可能就到我哋上訴，感覺好似無了期咁，有排搞」。張指現在不過是剛剛開始，也令人最困擾，因為無法計劃未來，「雖然有心理準備，但心情都會複雜，要諗點樣去settle down自己」。

佔領運動期間，鍾耀華任學聯常務秘書，也是與政府政改三人組對話的「學聯五子」之一。傘運後鍾退下前線，當過記者，後來與女友葉泳琳在元朗一隅開設了書店「生活書社」，實踐生活的另一種可能。近年來，鍾耀華幾乎不再接受傳媒訪問，記者致電詢問鍾審訴前的準備，鍾以「不方便」為由回絕。

■記者李雨夢

上一則
上一則
朱耀明：冇乜嘢放唔低

下一則
下一則
港女整容致鼻不對稱　 指控美容院醫生無牌行醫



陳健民：不會被強權擊倒
朱耀明：冇乜嘢放唔低
佔中九子今上庭　未忘抗命初衷